Enxhi Nasto

“Rrno” është në fjalë që përfaqëson autenticitetin shqiptar ku njerëzit jetojnë në këtë vënd për të rrëfyer një ditë kronologjinë e jetës. Fjala “Ndryshe” në këtë podcast i referohet fatit të tyre të parashkruar që ata të jetojnë në rrethana fizike dhe psiko-emocionale plotësisht të veçanta dhe të ndryshme nga të tjerët. Të ftuarit e këtij podcasti nuk vijnë si personazhe tik-tokesh, instagramesh, spektaklesh e të showbizz. Ata nuk vijnë të përfaqësojnë veten e tyre si viktima të një tranzicioni të gjatë në kohë apo të institucioneve, viktima të letrave, dokumentave, planeve vendore strategjike të këtij shteti që kurrë nuk patën rezultat. Ata janë thjesht me aftësi ndryshe në një kanal të dedikuar për ta dhe vijnë për t’u prezantuar me dinjitetin që iu takon të kenë tërësisht të merituar.