GPB ARCHIVE

საზოგადოებრივი მაუწყებელი არის ერთადერთი მაუწყებელი საქართველოში, რომელიც ინახავს 1956 წელს დაარსებული სახელმწიფო ტელევიზიისა და უფრო ადრე, 1925 წელს დაარსებული რადიომაუწყებლობის მიერ, ათეული წლების განმავლობაში, შექმნილ უნიკალურ მასალებს (აუდიო და ვიდეოჩანაწერებს, მხატვრულ, დოკუმენტურ, სამეცნიერო-პოპულარულ, ქრონიკალურ ფილმებსა და ფოტომასალას).
მაუწყებლის მიერ ათწლეულების განმავლობაში შექმნილი პროდუქცია შინაარსით, სტრუქტურით, მონაწილე პერსონაჟებით წარმოადგენს არა მხოლოდ ეროვნულ საგანძურს, არამედ მსოფლიო მნიშვნელობის კულტურული მემკვიდრეობის ნიმუშადაც მიიჩნევა.
საზოგადოებრივი მაუწყებლის ვებგვერდზე პერიოდულად განთავსდება არქივში დაცული სხვადასხვა სახის უნიკალური მასალა. მაუწყებელი ზრუნავს საზოგადოების ნებისმიერ წევრზე და ამიტომ ვებგვერდზე განთავსდება ვიდეო-მასალა ეროვნული უმცირესობების ენებზე და განსაკუთრებული საჭიროების მქონე პირებისთვის.