Gəncə Dövlət Filarmoniyası

Fikrət Əmirov adına Gəncə Dövlət Filarmoniyası

Gəncədə fəaliyyət göstərən Fikrət Əmirov adına Gəncə Dövlət Filarmoniyasının əsası 1935-1936-cı illərdə Üzeyir Hacıbəyovun təşəbbüsü ilə qoyulub. 10 noyabr 2017-ci ildə Prezident İlham Əliyevin iştirakı ilə filarmoniyanın yeni binasının açılış mərasimi keçirilib.

Filarmoniyada 1200 nəfərlik konsert və 300 yerlik iclas zalları, 10 loja və 1 VİP loja var. Binanın üçüncü mərtəbəsinin eyvanında Üzeyir Hacıbəyovun, Fikrət Əmirovun, Qara Qarayevin, Niyazinin və Arif Məlikovun heykəlləri qoyulub. Ərazidə açıq havada yay konsert meydançası, baxış qülləsi, 500 avtomobil yerlik yeraltı dayanacaq və ümumi sahəsi 2 min kvadratmetr olan iki korpusdan ibarət ikimərtəbəli qalereya inşa edilib.