Miroye Qanat

Mîroyê Qanat sala 1973 li Ermenistanê gundê Piroşyanê li malbata hunermendan ji dayîk bûye. Bavê wî rehmetî Qanatê Kakê, hunermendekê bi nav û deng bû. Dema Sovyêta berê bavê Mîro, salên 1970/80 gelek konseran û festifalên navnetewî beşdar bûye, her usa herdem mêvanê televizyona Ermenistanê ya dewletê bûye. Ji bilî wê karmendê wezereta fînansê ya komara Ermenistanê bû.
Mîroyê Qanat di 7 saliya xwe de bi alîkariya bavê xwe hînî lêxistina amûrên sazbendiyê dibe wek fîq û meya. Di ciwaniya xwe de wek endamê girûpa ermeniyan yên folklorîk wek bilurvan beşdar bûye.
Mîroyê Qanat sala 1990 piştî xelas kirina dibistanê dibe xwendevanê fakulta rohlatnasiyê ya beşa kurdzaniyê li Zankoya ser navê Davîd Anhaxt ya bajarê Yerevanê, ku pêşewayê wê Zankoyê pirofessor, helbestvan, rehmetiyê Çerkezê Reş bû.
Sala 1992 bi rêvebirya mamostê xwe bar dike Moskowa û dibe xwendevanê fakulta rojnemevaniya navnetewî Zankoya Dostiya Gelan ya Rusya. Piştre dibe xwendevanê Akademiya Hiqûqye ya bajarê Moskowa.