KWA NENO LAKO NITAZISHUSHA NYAVU (Luka 5:5

Channel hii "KWA NENO LAKO NITAZISHUSHA NYAVU" - Lk 5:5. Ni channel iliyoanzishwa na Padre Jonathan Mtalemwa wa Jimbo Katoliki la Tanga.
Lengo la Channel hii ni kutoa TAFAKARI za Neno la Mungu zenye kugusa zaidi mioyo ya wale waliokata tamaa au kuona Mungu hasikii sala na maombi yao.
Ukitazama kauli ya Petro utagundua moyo wa ujasiri, imani na matumaini kuwa: Licha ya kukesha usiku kucha bila kupata kitu na japo hamfahamu Yesu vizuri ila baada ya kusikiliza mafundisho yake huku akiwa ametumia boti yake anasema kwa ujasiri mkubwa "KWA NENO LAKO NITAZISHUSHA NYAVU".
Nasi yawezekana tumepita au tunapitia mitihani mingi ya maisha, tumechoka kusali na kuomba, tumechoka kutafuta ajira, mke, mume au biashara, tumechoka kutafuta tiba, tumechoka maisha ya ndoa, tumechoka.....!!
Lakini kwa kupitia mahubiri haya amini usiamini ndani ya moyo wako utasikia tena sauti ikikuambia - JARIBU TENA, OMBA TENA, FANYA TENA. Nawe kwa ujasiri mkubwa na imani kama ya Petro utapata MAFANIKIO MAKUBWA MAISHANI.