Samira Rajabli

Samira Rajabli (Samirə Rəcəbli) 1 dekabr 1980-ci il tarixində Bakı şəhərində doğulub. Uşaqlıqdan musiqi duyumu ilə fərqlənib və eşitdiyi musiqiləri pianoda ifa etməyə başlayıb. Bu bacarığı onda görən valideynləri Bülbül adına musiqi məktbinin fotrepiano sinfinə veriblər.

1999-cu ildən bəstəkar və pedaqoq Nailə Mirməmmədlidən vokal dərsləri alıb və 2004-2005-ci illər arasında onun yaratdığı “Kapriz” qrupunun solistlərindən biri olub.
Bir çox mahnı və reklam səslərində bek-vokalçı kimi fəaliyyət göstərmiş, televiziya layihələrində çıxış etmişdir. İllərin sevilən mahnılarına yenidən müraciət etmişdir. Ən çox sevilən kover ifası Karvan qrupunun “Sarı Güllər” mahnısıdır. 2007-ci ildən peşəkar səs aktrisası kimi fəaliyyət göstərir. 2020-ci ildə Aytən İsmixanovanın bəstəsi olan “Qanadım Ol” mahnısı ilə solo karyerasında yeni başlanğıc edən sənətçi fəaliyyətini yeni mahnı və kliplərlə davam etdirməkdədir.