اهداء من شاعر العرب سلطان بن وسام الى الشيخ سلامه بن ملهي بن سعيدان اداء جفران بن هضبان فهد بن فصلا

اهداء من شاعر العرب سلطان بن وسام الى
الشيخ سلامه بن ملهي بن سلامه بن سعيدان

#سلامه_بن_سعيدان #ملهي_بن_سعيدان #سلطان_بن_وسام

اداء المنشدين : #جفران_بن_هضبان و #فهد_بن_فصلا



الابيات كتابه ⬇️

غن يا شاعر وهد اللعب هده
خلني بعد الفطور آخذ بياله

وارتكي له والمشاعر مستعده
من هجوس تعرفونه لا ارتكاله

اخذه مع جرهد افكاري و ارده
دبرته عندي وانا عمه وخاله

كل بيت واسمه من فوق خده
عن وسوم اهل الشعر وسمي لحاله

والله انها تجتول من قبل مده
كل فرديه سلاله من سلاله

لا التطم بحر الشعر جزه ومده
خلو الموهوب يسبح في خياله

يانديبي قدوجه الرنج قده
ادهمً عاده تحت ختم الوكاله

سرحه من دار خلان الاشده
للرياض وياعسا التوفيق فاله

كل مامريت لك قصرً تعده
لاتحسب ان كل قصرً ينعناله

نصه اللي فيه لين وفيه شده
ما اخذٍ من شايبه معظم خصاله

مثل خطوا محزمً مليان عده
يعمي عيون المعادي بشتعاله

فيه راسٍ مايعرف الا المخده
وفيه راسٍ مايعرف الا الشكاله

وانت راسك يا سلامه يوم اعده
اصوكٍ مايعتليه الا عقاله

نادرً نومس ملهّي يوم هدّه
بيّنً في ناظره عرق الاصاله

الاماره ورث ابوه وورث جده
يمكن اقدم من طويق ومن جباله

بيت مجدٍ شامخٍ مافيه قده
والبيوت الباقية غرفه وصاله

ان جلس يا سايق الفنجال بده
وان وقف قدام ابوه يسرباله

فاتحً قصرن ركونه مجرهده
يوم غيره فاتحً باب البقاله

راس ماله عش ضيف وضيف غده
اترك الي راس ماله راس ماله

سيف هندن يرهب الاخصام حده
كل مايومي على الهامه خذاله

الفخر والمجد ماله عنه صده
هذا في يمينه وهذا في شماله

من مقرالطيب طيبه يستمده
جحدريً تاردالجمه حباله

يوم كانت بالسروج وبالاشده
في جنوبي نجد والافي شماله

ماخذوها بالمحبة والموده
الا بسيوف لها صاله وجاله

المصيح والمهوبل والموده
في كنف بيت الامير وفي ضلاله

خيلهم لاقيل ياهل الخيل رده
من يجي في دقلها عزي لحاله

ان ربطت الماضيه بالمستجده
ياصلاة الله على محمد و آله

هذا تاريخً يفوق العطر نده
يعرفون اخوان دقله من خلاله

شامخ صفق الهبايب ماتهده
مستحيل انك تمره في عجاله

كل بيتً ياسلامه وصل حده
وانت مثل البحرمن جاله لجاله

ماعلينا لو يخلص بحر جده
نحمد الله عندنا بحر بداله