Myslim Murrizi: Presidenti ka dalë nga binarët, s'është më garant i unitetit të kombit!

#reportTV #lajmeshqip #lajme
Edhe deputeti Myslim Murrizi duket se është pro shkarkimit të Metës nga posti i Presidentit, ndërsa tha sot nga foltorja e Kuvendit se ai nuk është më garant i unitetit të kombit. Murrizi komentoi edhe urdhrin e Presidentit amerikan, Joe Biden që përfshin edhe Shqipërinë, për bllokim pasurie për zyrtarët dhe ish-zyrtarët e korruptuar, ndërsa uroi që një vendim i tillë të vijë shumë shpejt edhe nga BE.

"Gjykata Kushtetuese do të ndajë kilogramët e shkeljes, sa e rëndë është. Akti i parlamentit është akt politik dhe moral, jemi një parlament formalisht demokratik, nuk di pse kanë frikë të thonë që moralisht Presidenti ka dalë nga binarët, nuk është më ai garant i unitetit të kombit. Këta që sot e nxjerri si shpëtimtarë, e akuzuan si vrasës, si njeri që dha urdhër për arrestimin e Sali Berishës, hajdut për humbjen e floririt, e shumë e shumë të tjera. Unë e kam patur kundërshtar politik për 30 vite, nuk më bashkon asgjë me të. Jam kënaq mbrëmë me urdhrin e Biden edhe pse nuk kam qenë tifoz me të. Nëse I plas nja dy urdhra të tjerë kanë për të më bërë tifoz me zor. Akti i Kuvendit do jetë limonadë para ngjarjes së ndodhur në këtë vend. Kur t’i shohësh në hotele dhe motele që kanë në New York. Dashtë zoti t’i shohim me kosë bari në dorë. Nuk jam për burg se kanë kosto të madhe. Biden andej, drejtësia e re këtij, Mllefi dhe inati., Zoti jua shtoftë inati mes njëri tjetrit. Meta nuk besoj se do jetë I fundit I shpallur tradhtar. Halli i madh se ngelka një rob pa punë. Akti i Kuvendit do të jetë limonadë me ngjarjet që do të ndodhin në këtë vend, kur ti shikojmë të gjithë te Arben Kraja. Unë nuk jam dakord për burg se është kosto e madhe. Besoj se shpejt edhe BE do bëjë një doganë të tillë si Presidenti Biden dhe të gjejnë vrimë e të futen", tha Murrizi.