Karaoke gasy MEDLEY - BODO & POOPY

MEDLEY - BODO & POOPY
#karaokegasy #gasykaraoke #hiramalagasy #tononkira

Fa fony vao namony ny fitiavako anao
Nanomboka nazava ilay jiro nitsilopy
Ho tonga ny havandra sy ny orana nikija tonga hisompatra
Nanapaka ny taho sy namono ilay afo
  Tsy naharitra aho fa lasa
  Nanefy akany vaovao ho ahy
  Hanorenako indray ilay fitia nitsahinao
  Nandratra ahy

Tsy hitamby aminao, na mangidy aza izany
Maika mantsy ho fantatrao, ka izaho tsy hitomany
Ka ny hoaviko eny indrisy, efa nopotehinao
Hosaronako ilay tsiky, amin’zay tsy ho fantatrao
  Tsy ataoko ho fantatrao ny ratram-poko ao
  Sao araraotinao hampijalina ahy indray
  Ataoko toy ny hoe tsy tiako intsony ianao
  Hiala aminao aho sy hanadino anao

Oram-be mivatravatra kotro-baratra
No nalaiko ho namana
Tsy hamoy fo alahelo an-tanin’olona aho
Fa nataoko hampatsiahy ilay akany lavitra

  Na ny mamiratra aza no hanambazana ahy
  Tsy nahasarika ahy ireo fa ianao
  Ry tany mamiko no nampanembona ahy
  Nierikerika aho fa sao tao ianao
  An-tsaina sisa no nahitako anao

BODO & POOPY
Ny sitra-pony vitany nefa ianao feheziny
Lay fahafahanao toa nitsahiny, tsy tsaroany fa
Ireo toky sy dina nentiny nambabo anao
Hay rotsirotsy fotsiny hampatory anao
Hitanao izao f’ilay fitiavany dia tsy natolony ho anao
Fa ho an’ny tenany

Sombinaiko ho anao no amoronako ity hira ity f’efa
Tsy ho ela dia ho avy ilay ora iray iandrasako anao
Fantatro fa tsy safidinao ny ho tonga ety an-tany
Tsy lanitra no hitsena anao na paradisa koa

Mangahiahy tsy misy hitarainana
Tsy mana-namana tsy manawn-kavana
Toa kamboty zary singan’olona
Mavesatra ny fahanginana

Mifendrofendro toa vonton’ny tomany
Toa fenofeno ary sy manimanina
I Dada sy i Neny tsy eo anilany
Tsy hita izay ho sarangotina

  Fa firy moa no mba mijery izany
  Eny firy koa no mba manampy azy
  Misy ireo miraviravy tanana
  Toa mafy fo tsy mba miantra namana
  Fa firy moa no mba mijery izany
  Eny firy koa no mba manampy azy
  Ka tolory tanana mba jereo
  Fa aza avelanao ho irery fotsIny eo