اعرف شروط تسجيل العقارات الجديدة في الشهر العقاري بمصر

اعرف شروط تسجيل العقارات الجديدة

ضربة للسماسرة والمزورين.. وتطور مهم في تسجيل العقارات

في خطوة جديدة لتنظيم عمليات تسجيل العقارات في مصر، أصدرت مصلحة الشهر العقاري والتوثيق منشورًا فني بيُلزم المتقدمين لتسجيل العقارات بتقديم العقد العرفي "العقد الابتدائي" كشرط أساسي، وذلك لضمان توثيق الملكية وتحديد أطر قانونية واضحة لعملية التسجيل.

وبيهدف القرار لمواجهة المشكلات اللي كانت بتعوق تسجيل العقارات، زي التسجيل دون سند واضح أو بناءً على حيازة غير موثقة، لإن كان البعض بيعتمدوا على إثبات الملكية بوضع اليد بس، وده أدى لنزاعات قانونية متعددة.
والشروط بتتطلب تواجد إجراءات زي

العقد العرفي أو ما يعرف بالعقد الابتدائي: لإن لا يمكن تسجيل العقار دون وجوده.

إجراء معاينة ميدانية للعقار: يقوم بها مأمور الشهر العقاري أو من ينوب عنه للتحقق من وضع اليد ومطابقة البيانات.

تقديم مستندات رسمية زي خريطة العقار الرقمية وأوراق تثبت شخصية المالك.

أخذ أقوال الجيران والشهود حول وضع اليد والتأكد من صحة المعلومات المقدمة.

وعشان نوضح القرار، على سبيل المثال

إذا اشترى شخص عقار من 10 سنين من غير ما يسجله، وكان بيعتمد بس على وضع اليد لإثبات ملكيته، مش هيكون بإمكانه تسجيله دلوقتي إلا إذا قدم عقد ابتدائي.

وفي حالة شراء شخص يمتلك منزل وعايز يسجله لأول مرة، ومش معاه غير إيصالات مرافق، مش هيقدر يسجل من غير وجود عقد ابتدائي يثبت انتقال الملكية ليه.

وبيساهم القرار في تقليل النزاعات العقارية، وضمان حقوق الملاك، ومنع التلاعب في الملكيات، لكن كمان بيشكل تحدي للاشخاص اللي موثقوش ملكياتهم بشكل رسمي من البداية.

فا ده بيخلي أي شخص بيسعى لتسجيل عقاره أنه يتأكد من امتلاكه عقد ابتدائي، أو يرجع للبائع الأصلي أو ياخد الإجراءات القانونية لإثبات ملكيته.

القرار الجديد بيعزز الشفافية في تسجيل العقارات وبيحط ضوابط تحمي حقوق الملاك، وبيتطلب من الجميع توفيق أوضاعهم القانونية لضمان تسجيل ملكياتهم بشكل رسمي.

تابعونا :
Official Facebook Page:
  / masronline.re  

Official Instagram:
  / masronline1  

TikTok
  / masronline  

Website:
http://www.masr-online.com/

تحت رعاية
Richard Elhaj Media
http://www.richardelhaj.media/

هذا المحتوى إنتاج شركة ريتشارد الحاج ميديا أو مرخص للشركة من قبل شركات مالكة للمحتوى وجميع الحقوق محفوظة وإن كان لديك أي استفسار رجاء إرسال إيميل على
[email protected]