Иран үкіметі әйелдерге хиджаб киюді міндеттемейтін болды

Хиджаб кию – әр әйелдің өз таңдауы. Иран үкіметі енді нәзік жандыларды бет бүркеуге міндеттемейтін болды. Бұл мәселе жылдар бойы халықтың наразылығын тудырып келген еді. Енді міне шешімін тапқандай.
Яғни, елде жүзін тұмшалау талабы күшін жойып отыр. Бұдан былай хиджаб кимеген бұрымдыларға айыппұл салынып, жазаға тартылмайды. Осы жаңашылдықтан кейін көшелер мен қоғамдық орындарда еркін киінген қыз-келіншектердің қатары күрт көбейді. Айта кеткен жөн, осыдан 3 жыл бұрын Иранда Махса Аминидің өлімінен кейін жаппай наразылық туындаған болатын. 22 жастағы қыз «орамалын дұрыс тақпады» деген айыппен полиция тарапынан ұсталып, кейін қаза тапқан. Осы оқиғадан соң ел іші дүрлігіп, мыңдаған әйел шеруге шықты. Нәзік жандылар хиджабтарын шешіп, тіпті отқа жағып, өз қарсылықтарын білдірді. Ресми дерек бойынша, наразылық кезінде 500-ден аса адам қайтыс болып, мыңдаған тұрғын қамауға алынған.



#Информбюро #31арна #Иран #Хиджаб