Dosja e luftërave (lufta e bedrit) - Halil Avdulli

Dosja e luftërave (Lufta e Bedrit)

Njerëzimi nuk ka njohur luftëra që ndryshuan botën dhe rrjedhën e historisë me çmimin më të ulët në gjak dhe pasuri, se luftërat e Profetit, paqja e Zotit qoftë mbi të. Arsyeja për këtë rezultat është se këto luftëra mishëruan shpirtin e xhihadit në mesazh, qëllim, moral dhe gjykim.

Lufta në Islam është një domosdoshmëri, jo një zgjedhje, është marrëzi t‘a kërkosh atë, siç është ligësi t'i shmangesh nëse i imponohet.

Islami erdhi me një vlerë dhe qellim madheshtorë „ PAQE“, i Plotfuqishmi tha: "O ju që keni besuar , hyni të gjithë në paqe" (Sure Al-Baqarah, ajeti 208). Por ky qëllim duhet të harmonizohet me një qëllim tjetër, edhe më të lartë e cila është „DREJTËSIA“ që Zoti dërgoi të dërguarit dhe zbriti librat për ta arritur atë , kështu që Ai tha: "Ne i kemi dërguar të dërguarit tanë me prova dhe ne e kemi dërguar librin dhe drejtësinë, në mënyrë që njerëzit të mund të jetojnë në drejtësi ”(Sure Al-Hadid, ajeti 25). Në shumë situata të jetës nuk mund të arrihet paqja pa u luftuar dhe ndalur shtypësi, duke i‘a treguar atij forcën.

Islami nuk e bëri „ndryshimin e fesë“ justifikim për të luftuar dikë, kështu që xhihadi në Islam nuk është luftë kundër një besimi tjetër ose pabesimtari, përkundrazi është një luftë kundër shtypësit, qoftë ai musliman apo pabesimtar, pra është një pozicion etik me drejtësi dhe liri kundër shtypjes dhe shtypsit. Luftetari lufton shtypësin për shkak të padrejtësisë së tij, jo për shkak të besimit ose doktrinës së tij.

Islami i ka kufizuar arsyetimet për të luftuar në tre gjëra:

E para - Është drejta për të mbrojtur veten dhe për të hequr padrejtësinë, dhe kjo është e qartë nga dy ajetet e para që u shpallën në xhihad: "Jepet leje atyre që luftojnë se u është bërë padrejtësi dhe se Zoti është i aftë të ju ndihmoj në fitoren e tyre.

E dyta - Mbështetja e të shtypurve që nuk janë në gjendje të mbrojnë veten: "Çfarë keni që nuk luftoni në rrugën e Zotit në ndihmë ndaj burrave, grave dhe fëmijëve të shtypur që thonë:" Zoti ynë, na nxirr nga ky fshat i padrejtë dhe nga njerëzit e tij...

E treta - Garantimi i lirisë për të gjithë pa asnjë dallim, në mënyrë që jeta të jetë e qetë dhe e pastër për Zotin: "Sikur Allahu të mos u kishte dhënë njerëzve mundësinë për t’u mbrojtur nga njëri-tjetri, do të shkatërroheshin manastiret, kishat, sinagogat dhe xhamitë, në të cilat përmendet shumë emri i Allahut. Vërtet, Allahu e ndihmon këdo që e ndihmon Atë. Allahu është vërtet i Fortë dhe i Plotfuqishëm“.

Islami e ka konsideruar luftën për të eleminuar padrejtësinë luftë të drejtë dhe rënjen në këtë rrugë, e ka vlerësuar si shehidllëk, prandaj Muhamedi, paqja dhe bekimi qoftë mbi të, ka thënë: “Kush vritet duke mbrojtur pasurinë e tij është shehid, kush vritet për familjen, gjakun, fenë, pragun e shtëpisë, është shehid.

Sa i përket teksteve të përmendura në menyrë të përgjithësuar kundër "pabesimtarëve" ose luftës kundër "njerëzve" pa specifikime, këto tekste kanë nyjen shquese "El" që përmban një periudhë kohore të caktuar dhe jo gjithëpërfshirëse. Sepse këto citate anise duken të përgjithësuara ato kanë të bëjnë gjithsesi me njerën prej tri arsyeve qe i përmendem më lartë.