Калядная песня з вёскі Маркавічы

✨ Калядная песня з вёскі Маркавічы Гомельскага раёна.

Спяваюць удзельніцы нашай "Школкі традыцыйных спеваў".

🤗 Дзякуем сябру нашага музея Віктару Шыпкову (які сам родам з Маркавіч) за тое, што падзяліўся з намі гэтай каляднай песняй.

Ўставай, ўставай, Гаспадару
Дай ў вакенца паглядзі.
Звязда сіяя, Хрыста страчае
Па ўсёму свеці на зямлі.

У чыстым полі ангел явіўся
І расказаў ўсё пастухам
Што ў Віфліеме, ў яслях на сені
Хрыстос радзіўся на радасць нам.

А ў тую пору далёка з ўсходу
Паўставалі тры цары.
Лукавы Ірад тожа прачнуўся -
Яго ўзбудзілі вартавы.

Ўтавай, цару, дай збірайся
Да цябе ў госці цары прыйшлі!
Толькі ты йімі не ўцяшайся -
Пагану вестку прыняслі

Кажуць што мо то нарадзіўся
Цар цароў і Бог багоў!
Лукавы Ірад ад таго слова
Захістаўся і самлеў.

А потым Ірад перахітрыўся
І лукава молвіў царам:
Як шчо знайдзеця, то зноў зайдзеця
Я яму паклон тожа аддам.

Тры цары за Зоркай едуць
І вязуць свае дары.
А Зорка стала па над пяшчэрай
Што ў высокай у гары.

Яна спусцілась над Віфліемам
Сіянням ясным дзе Хрыста.
Дзева Марыя ў сені спавіла
Ўсім людзям радасць прынясла.

Слава Слава, што нарадзіўся
Бог багоў і цар цароў!
Слава Слава, што з’явіўся
Цару Славы ад вякоў!

#веткаўскімузей #vetkamuseum #ветковскиймузей #спевы #спеўкі #музей #музеібеларусі #музеибеларуси #каляды #раство #шчадроўкі #калядкі #традыцыя #колядки #щедровки #рождество