كوم ارويها | باسم الكربلائي

(كوم ارويها) بدايات الحاج باسم الكربلائي مع المنبر الحسيني
7 محرم 1412 هـ
قم المقدسة
للشاعر السيد سعيد الصافي الرميثي

گــوم ارويـهـا گــوم ارويـهـا
هــاي اطـفـالـك گــوم ارويـهـا
مشبوحة الانظار لجودك انهض يالي معروف بزودك
گــوم ارويـهـا گــوم ارويـهـا
هــاي اطـفـالـك گــوم ارويـهـا
زينب گصدت يم جافلها مـتگبـعه ابضيم الايام
مـحـتـاره وتتعثر بالهم تـشكي للعباس الآلام
صاحت وينك يابو الغيره بـوجـودك تقبل ننظام
هذا الماي اليجري تشوفه مـنـعتنه انشربه الظلام
اگصــد لــيـهـا اگصــد لــيـهـا
جــرد سـيـفـك و اگصــد لـيـهـا
انـت بن الكرار اخبرها وبـيوم الخندق ذكرها
گــوم ارويـهـا گــوم ارويـهـا
هــاي اطـفـالـك گــوم ارويـهـا
انه اختك ياخويه وتدري جيبت امن الموطن بحماك
ليل انهار اتباري الضعني ماساعه الغمضت عيناك
مـاواحد يقدر يهضمني مـاطول السيف ابيمناك
جـيتك يا عباس ابطلبه مـاظني اتردني وحاشاك
يــاوالــيــهـا يــاوالــيــهـا
سـر قـلـب اخـتك يــاوالــيــهـا
تشكيلك واسمع شكوتها سـهله ماتصعب طلبتها
گــوم ارويـهـا گــوم ارويـهـا
هــاي اطـفـالـك گــوم ارويـهـا
بـعـيونك تنظر للحاله و إتشوف الأطفال إتلوع
محتاره شنطيها و تسكت مـا ظلت بعيوني إدموع
هذا الماي الفايض يجري و إعـلـينه إمحرم ممنوع
هـاي الـما تعرف تتعذر قـوم إفتح دربه المقطوع
لا تـنـطيها لا تنطيها فـرصـة رحمه لا تنطيها
و الرووس الباعت غيرتها إحصدها و حلت ساعتها
گــوم ارويـهـا گــوم ارويـهـا
هــاي اطـفـالـك گــوم ارويـهـا
اطفال وتصرخ عطشانه تـتـعاتب ياخويه اوياي
نـارين التهبن بضلوعي نار احشاها ونار احشاي
يـاخـيمه الاوصل يمها كلها اتصيح الماي الماي
يـالجودك طوفان بفضله يـالطبعك نشمي ووفاي
مــانــاسـيـهـا مــانــاسـيـهـا
ادري عــهــودك مــانــاسـيـهـا

للإشتراك في القناة : https://www.youtube.com/@BasimArchive...


#الأرشيف_الباسمي
#لطميات
#باسم_الكربلائي