«Ոզնի» երգիծաթերթ՝ 1954-ից, «Հայտնի անհայտը», Հ1, 2009թ.

Սովետմիության ղեկավար Խրուշչովի «ձնհալի» ժամանակ որոշվեց, որ սովետական ամեն մի հանրապետություն պետք է իր երգիծաթերթն ունենա։ Հայաստանինը «Ոզնին» էր, որի առաջին համարը լույս տեսավ 1954 թվականի մարտ ամսին։ Առաջին խմբագիրը Հրաչյա Քոչարն էր, հանդեսը գունավոր էր, գինը՝ 2 ռուբլի։

Սովետի ժամանակ ընթերցողները հեղեղում էին «Ոզնու» խմբագրատունը. «Մարդը կնոջից բաժանվում էր՝ գալիս էր «Ոզնի», հարևանի հետ կռվում էր՝ գալիս էր «Ոզնի», խանութում թերակշռում էին՝ գալիս էր...»,- պատմում է հանդեսի եկարամյա շարժանկարիչ Գեորգի Յարալյանը։ «Գլխավոր ոզնի» Արամայիս Սահակյանի հետ Յարալյանը և ոչ պակաս երկարամյա աշխատակից Ալեքսանդր Քալանթարյանը ֆիլմում պատմում են հանդեսի անցած ճանիապարհի ամենաուշագրավ ու անհայտ, նույնիսկ՝ նախկինում գաղտնի համարված դրվագները։