Primero de marzo - Francisco Russo

Autores: Emiliano R. Fernández - Félix Pérez Cardozo.
"Ko che purahéipe hi'ãnte amombáy Paraguái porãme
ha oiméva oikove ñande ru yma tojapysaka
tambopu diana tohendu oîva ko ñane retãme
mba'épa ha'e añatói jave ko che mbaraka.

Viva el Paraguay péina asapukái a Chaco ruguápe
ajapo haguã López rapekuégui puraheirãmi
apoi yvytúre oguahê haguã amo Cerro Corápe
sepultura ári oîhápe hína ñande karai.

Péina che tapýi ambojeguapa cinta tricolorpe
amomaiteívo 1º de Marzo ko'êju pytã
che irû che rovái rombovivami pe Solano López
león intachable ohayhu va'ekue Paraguái retã

Ohua'i vaekue mbohapy tetã ñane rundipávo
lanza ipopekuéra, bayonetaita hatiãi rei
ha oñepysanga Tujutîme oikévo batalla rekávo
upépe ohecha mba'épa ovale raza guarani.

Ha cincuenta y seis años omboty este día iko'êvo
del año setenta ku Cerro Corápe ñorairõhague
upérõje López henda blanco ári hetã odefendévo
ijespáda ipópe ibandéra guýpe al galope osê.

Ocumpli iley "Vencer o Morir" Tupi renondépe
coronel ta'ýra ijykére osê Resquín avei
kambáre okopi hetã rayhupápe tatatî apytépe
ndopensai la ivida ome'ëtaha, ndombyasyi voi.

Ha Solano López kuimba'e añete heta ohayhúva
rovy'a vaerã ndeichagua yvy ári oimérõ mokõi
péina purahéi che py'a mbytégui ndéve añongatúva
1º de Marzo ko nde yvy ári este día heñói.

Hi'ãnteva chéve cada oguahê 1º de Marzo
che jurúgui osê ñe'ê iporãva iporavo pyre
japaga haguã ñande debeha a los veteranos
umi ñande ru ñande Tricolor defendehare.

Tujutî, Kurupa'yty,
Estero Bellaco, Ita Yvate,
Ytororõ, Cerro Corá,
Solano López upépe oime".