ဒေလီမှာ အမျိုးသမီးတွေကို ဘတ်စ်ကား အခမဲ့စီးခွင့်ပြု

#စံတော်ချိန်_ယနေ့သတင်း

အိန္ဒိယနိုင်ငံ ဒေလီမြို့တွင်းပြေးဆွဲတဲ့ ခရီးသည်တင်ဘတ်စ်ကားတွေမှာ အမျိုးသမီးတွေကို အခမဲ့လိုက်ပါစီးနင်း ခွင့်ပြုလိုက်တယ်လို့ Gulf news သတင်းဌာနကဖော်ပြပါတယ်။

ဒေလီမြို့ရှိ သယ်ယူပို့ဆောင်ရေးလုပ်ကိုင်နေတဲ့ ဘက်စ်ကားစုစုပေါင်း ၅၅၀၀၀ ရှိနေပြီး အဲဒီကားအားလုံးမှာ အမျိုးသမီးတွေအနေနဲ့ အခမဲ့စီးနင်း ခွင့်ရမှာဖြစ်ပြီး ဒီအစီအစဉ်ကို ယမန်နေ့ကစတင်ခွင့်ပြုလိုက်တာဖြစ်ပါတယ်။

အခုလိုစီစဉ်ရခြင်းဟာ အမျိုးသမီးထု ရရှိသင့်တဲ့အခွင့်အလမ်းတွေပိုမိုတိုးတက်ဖြစ်ပေါ်လာစေရေးကို ဦးတည်တဲ့ သမိုင်းဝင် ခြေလှမ်းတစ်ရပ်ဖြစ်တယ်လို့လည်း မြို့တော်အုပ်ချုပ်ရေးအဖွဲ့အကြီးအကဲ အာဗင်ကပ်ဂျရီဝယ်က ပြောပါတယ်။

အခုလိုစီးနင်းခွင့်ပြုလိုက်တာနဲ့ပတ်သက်ပြီး ဒေလီမြို့ခံအမျိုးသမီးတစ်ဦးက “ဒီလိုမျိုး ဘက်စ်ကားအခမဲ့ စီးနင်း ခွင့်ပြုလိုက်တာဟာ ကောင်းမွန်တဲ့ ခြေလှမ်းဖြစ်ပါတယ်။ ကားလက်မှတ်မရှိတဲ့ အမျိုးသမီးတွေလည်း ဘက်စ်ကား အခမဲ့ စီးနင်းခွင့်ရရှိတော့မှာဖြစ်ပါတယ်” လို့ ဆိုပါတယ်။

အခုလိုအခမဲ့စီးနင်းခွင့်ပြုတာဟာ ကောင်းမွန်ပေမယ့် အခြားတစ်ဖက်မှာ အစိုးရအတွက် ဆုံးရှုံးမှုတွေဖြစ်ပေါ်လာ နိုင်တယ်လို့လည်း ဒေလီမြို့ဒေသခံတစ်ဦးက သုံးသပ်ပါတယ်။

အဆိုပါဘတ်စ်ကားတွေကိုအသုံးပြုခရီးသွားမယ့်အမျိုးသမီးတွေကို ဒေလီမြို့သယ်ယူပို့ ဆောင်ရေးကော်ပိုရေး ရှင်းဖြစ်တဲ့ Delhi Transport Corporation (DTC) က အခမဲ့လက်မှတ်တွေ စိစစ်ထုတ်ပေးသွားမှာဖြစ်ပါတယ်။

သတင်း - ZMO
Ref : Gulf news

Website Link - http://sdtimedaily.com/

Facebook Page -   / standardtimedaily