ဒေါ်သက်သက်ခိုင် စစ်ခေါင်းဆောင်ရဲ့ အမျက်ရှတာလား (ရုပ်/သံ)
Автор: The Irrawaddy News
Загружено: 2026-01-15
Просмотров: 22613
စစ်ကော်မရှင်လက်အောက်ခံ ရွေးကောက်ပွဲကော်မရှင်က ပြည်သူ့ ရှေ့ဆောင်ပါတီ (PPP) ဥက္ကဋ္ဌ ဒေါ်သက်သက်ခိုင်နဲ့ ဗဟိုကော်မတီဝင် ဒေါ်ထက်ထက်လှိုင် တို့ကို ခွင့်ပြုချက်မယူဘဲ ပြည်ပသံရုံးတခုက လူပုဂ္ဂိုလ်တွေနဲ့ တွေ့ဆုံခဲ့တယ်ဆိုတဲ့ အကြောင်းပြချက်နဲ့ အရေးယူ သွားမယ်လို့ ဇန်နဝါရီ ၁၄ ရက် ညပိုင်းမှာ ထုတ်ပြန်လိုက်ပါတယ်။
ရွေးကောက်ပွဲကော်မရှင်က ဒေါ်သက်သက်ခိုင်တို့ဟာ နိုင်ငံရေး ပါတီများ မှတ်ပုံတင်ခြင်းဆိုင်ရာ ဥပဒေပုဒ်မ ၆ (စ) ပါ ပြဌာန်းချက်နဲ့ ၂၀၂၂ ခုနှစ် အတွင်း ပါတီတွေထံ ပေးပို့ခဲ့တဲ့ ညွှန်ကြားစာတွေကို ဖောက်ဖျက်ခဲ့တယ်လို့ ဆိုထားပါတယ်။
ဒေါ်သက်သက်ခိုင်တို့ကို စစ်တပ်က ဇန်နဝါရီ ၁၃ ရက် ညမှာ လာရောက်ဖမ်းဆီးခေါ်ဆောင်သွားခဲ့ပြီး ၁၄ ရက်နေ့ ညမှာ ပြန်လွှတ်ပေးခဲ့ပါတယ်။ ဒီလိုဖမ်းဆီးစစ်ဆေးမှုအပြီးမှာ ရွေးကောက်ပွဲကော်မရှင်က စာထုတ်ပြန်လာတာပါ။
ဒီမတိုင်ခင်က အာဏာသိမ်း စစ်တပ်လုပ်တဲ့ရွေးကောက်ပွဲမှာ ဝင်ရောက်ယှဉ်ပြိုင်မယ့် ဒေါ်သက်သက်ခိုင်ကို စစ်တပ်လက်အောက်ခံ ရွေးကောက်ပွဲကော်မရှင်က ဘဏ်ချေးငွေပြန်မဆပ်ရသေးတာကြောင့်ဆိုတဲ့ပြစ်ချက်နဲ့ ကိုယ်စားလှယ်လောင်းအဖြစ်က ပယ်ဖျက်ခဲ့ပါသေးတယ်။
#မြန်မာ #ဧရာဝတီ #ဒေါ်သက်သက်ခိုင် #PPP #ရွေးကောက်ပွဲ #UEC #နိုင်ငံရေးပါတီ #WhathappensInMyanmar
Доступные форматы для скачивания:
Скачать видео mp4
-
Информация по загрузке:
