Токтобек АСАНАЛИЕВ: “Жараткандын пенденин мойнуна таккан милдеттери болот окшобойбу”
Автор: Oimedia (Оймедиа)
Загружено: 2023-08-12
Просмотров: 7738
КР Эмгек сиңирген артисти Токтобек АСАНАЛИЕВ: “Жараткандын пенденин мойнуна таккан милдеттери болот окшобойбу”
“Ой медиа” каналынын “Менин дүйнөм” рубрикасынын бул жолку каарманы – Кыргыз Республикасынын эмгек сиңирген артисти Токтобек Асаналиев. Тоо булбулу дешет эл арасында Токтобек мырзаны. Чындап эле аска-зоону жаңыртчудай абазы бар. Балким тоо аралап өткөн балалыгы буга себептир. Бизге куруп берген маегинде да Ат-Башыда өткөн бала чагынан кеңири кеп салды.
Көтөргөн комузуна да өзгөчө аяр караганы аны кынаптап жасатканынан эле байкалат. Аспаптын жасалгасындагы ар бир элементке да токтолду.
Уулунан, агасы, атасынан удаа-удаа ажырап калган ырчынын кээде жаңырган муңдуу абазын кайгысын туйган жан билээр... Ошентсе да кайрат-күчүн топтоп, үйдө бир туугандарынын башында, Ала Тоодо жалпы журттун кызматында.
Чыгармачылыктан тышкары, мугалим, устат болуп, шакирттерин да таптап келет. Ошондой эле коомдук иштерден да четте калбай, Казыбек казалчынын акталышына, ал кишинин казалдарын жыйнак болуп чыгышына салымы чоң. Ал түгүл Казыбек казалчынын 94 жылдан бери катылып жүргөн сүрөтүн да таап, коомчулукка көрсөтө алды. Эмесе, бул ирет ырлары укканды муюткан, абазы көңүл жылыткан, ал эми жашоодо тек гана жарык инсандардын бири Токтобек Асаналиевдин дүйнөсүнө “саякат жасайлы”!
Маектешкен жана даярдаган Айнагүл Сапарбек кызы
Доступные форматы для скачивания:
Скачать видео mp4
-
Информация по загрузке:
