مش هتشوفي يوم واحده سعاده المفروض أكون مكانك في الدلع والحلاوة واخـ .رتك علي ايدي

هدير من الأقصر مهندسة و بنت غلبانة و مؤدبة و ناجحة في شغلها و كل الناس بتحلف بأخلاقها ، معاها بنوتة صغيرة و كل اللي كانت بتحلم بيه إنها تربي بنتها الرضيعة و تعيّشها في أمان في حضن أمها مكنتش عايزة من الدنيا أكتر من كده هدير تعبت فجأة و اتشخصت بأكتر من مرض ، و الناس كانت بتبعت لها رسايل تطمن عليها و تدعمها ، لحد ما جه اليوم اللي فتحت فيه الرسالة اللي كسرت نفسها و ضهرها قبل المرض ما يكمّل عليه .
رسالة و إنتم بتقرأوها تحسوا بطاقة سلبية مرعبة خارجة منها كأنها كتبت بأيدي الشيطان نفسه ‼️
متتخيليش فرحتي فیکي عاملة إزاي ، و مهما حاولتي ولا دورتي ولا رحتي لدكاترة ولا مشایخ انسي إنك تشوفي دقيقة فيها راحة من الوجع لحد ما تموتي ، أنا اللي كان مفروض أكون مكانك في الدلع و الحلاوة و اللبس و الشغل بس خلاص انسي كل ده أنا لو هصرف آخر مليم معايا لحد ما أشوفك في الكفن موتك على يدي و هخليكي تتمنيه تخيّل اللي مبعوت له الرسالة دي حس بإيه ! تخيل الرسالة دي توصل لحد بيصارع فراش الموت؟
و من مين ؟
صاحبتها اللي عملت أكونت مزيف مخصوص علشان توصلها أنها عملت لها سحر و أعمال و أنها مش هتهدى غير لما تخلص عليها !
هدير صعقتِ من الصدمة و كتبت على صفحتها 👇🏼
" و الله العظيم أنا حرفيًا مبقاش نافع معايا أي نوع مسكن ، ولا بقيت عارفة أشرب حتى الميه 😞
أخدت علاجات لا تُحصى من كل شكل و نوع ، سيبت البلد كلها و رجعت الشرقية .. و برضه لسه مش عارفة آكل ولا أشرب ولا حتى أتحرك ، معنديش غير حسبي الله و نعم الوكيل ، و ربنا قادر يوريني فيكم أضعاف التعب اللي أنا فيه ..
عدلًا و إنصافًا 😞 "
هدير بعد معاناة مع المرض ، فارقت الحياة النهاردة راحت للأحن عليها من الخلق ، سابت الدنيا بشرها و قسوتها و سواد قلوب البشر سابت بنت رضيعة اتحرمت من أغلى شيء فحياتها ، أمها سابت لنا حقها علشان نقتصه بالدعاء على اللي ساهم في أذيتها ليه فيه قلوب بقت كده ؟
ليه فيه ناس مستعدة تعمل أي حاجة علشان تكسّر روح بني آدم ؟
﴿ أَمْ يَحْسُدُونَ النَّاسَ عَلَىٰ مَا آتَاهُمُ اللَّهُ مِن فَضْلِهِ ﴾
( النساء 54 )
{ وَ الَّذِينَ يُؤْذُونَ الْمُؤْمِنِينَ وَ الْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَانًا وَ إِثْمًا مُّبِينًا }
اللهم ارحم هدير رحمة واسعة، و اجعل صبرها و وجعها في ميزان حسناتها .
اللهم اقتص لها ممن ظلمها ، و رد أذى كل مؤذٍ على نفسه و اجعل كيدهم في نحرهم ، و تدبيرهم تدميرًا عليهم يا رب العالمين ولا مسحوراً إلا عافيته ولا ساحراً إلا قصمت ظهره ولا ساعياً للسحر إلا أهلكته و أمرضته 🤲
#ByKarim
#منقول
*** حسبي الله و نعم الوكيل في اللي أذاها ربنا ينتقم منه و من كل مؤذي و كل ساحر و إ ن شاء الله تعبها هيكون فى ميزان حسناتها أما المؤذية دي هتروح فين من ربنا لا مفر من العقاب إن شاء الله في الدنيا و الآخرة اللهم آمين يا رب العالمين