لك أنصب عزية | الرادود مجتبى السندي | ليلة حادي محرم ١٤٤٦ هـ | مأتم سار

موكب عزاء مأتم سار الكبير | البحرين
موشح ليلة حادي من محرم ١٤٤٦ هـ

🎤 | الرادود : مجتبى عبدعلي السندي
🖋️ | نضم الشاعر : أ. علي التتان

-

كلمات القصيدة :-

المستهل :-

مولاي مولاي
كل صبح ومسيّة .. إلَك أنصب عزيّة

(١)
مِن بعَد آخر محرّم روحي مشتاقة
وتدري شهرَك يا إمامي يصعب فراقه
من بعد آخر محرّم والقلب ذايب
صرت أعد حتى الثواني يمتى نتلاقه

مشتاق وهدبي
ابدموعه ايكلّمَك

علّات قلبي
دواها ابماتّمَك
مولاي مولاي

(٢)
أحمِد الله الي كتبني هالسنة حاضر
وطوّل ابعمري لشهرَك يا منى الخاطر
اشلون ما نحمد على عاشر إله الكون
واحنه كل الخير عدنه كله من عاشر

جيتك ألبّي
واقبلني خادمَك

علّات قلبي
دواها ابماتّمَك

مولاي مولاي

(٣)
جيتك ابقلبي الي أدري زادت اذنوبه
جيتك ودمعة ندم بخدودي مسچوبة
خذني لله يا إمامي وطهّر افادي
(حُرَّك) آنه وليّه أطلب هالمسا توبة

اغفر لي ذنبي
يغالي ابموسمَك

علّات قلبي
دواها ابماتّمَك

مولاي مولاي

(٤)
يا دوا افادي العليل وبلسم جروحه
طمأنة قلبي ابعزاء محرم ونوحه
تسوى كل الدنيا عندي ابعشرتك مولاي
دمعة لمصابك جرت عالوجنة مسفوحة

نوّر لي دربي
ولموتي ألزمَك


علّات قلبي
ادواها ابماتّمَك

مولاي مولاي

-

#الرادود_مجتبى_السندي #الرادود_الناشئ_مجتبى_السندي #موكب_عزاء_اسكان_سترة_القرية_الشمالي
#الامام_الباقر #الإمام_الباقر #١٤٤٥ #١٤٤٥هـ #موكب_عزاء_البحرين #القول_منا_قولك #٣١٣