星光路上｜袁文傑無心插柳入行實習已爆騷 輾轉加入TVB游生一角橫掃全城

星光路上｜袁文傑無心插柳入行實習已爆騷 輾轉加入TVB游生一角橫掃全城

陪朋友報名參賽老友落選自己入圍，呢個故事今日話你聽娛樂圈中真有其事，因為《星光路上》呢集嘉賓 袁文傑 當年就正正係因為咁而入讀藝員訓練班入行，實習仲破紀錄工作未停過，以為順利會獲簽約入行？點知就係偏偏未有安排，無奈年輕人心中只有失望。

藝訓班認識唔少早已有特約演員經驗嘅朋友，後來有機會演出當年狂收╴就算到今日再睇依然笑到肚痛嘅《家有囍事》，Andrew就形容係一個人生奇遇喇。

同張國榮「合作」嘅通知，聽落呢位高大年青人都認為只係企埋一、二邊做背景，但係到場先發現，竟然真係有對手戲。事後狂叫身邊親友入場認叻，可惜只聞其聲就不見其人，難怪佢話永世難忘喇。

當年卡啦ok盛行，唱片公司日夜狂拍唔同MV應付唔停得嘅市場，靚仔靚女自然有著數，袁文傑當時亦有參加呢類唱片公司同模特兒公司合辦嘅比賽，亦認識到行內恩人，唱片公司老闆 劉東 夫婦，又間接令佢認識伯樂－知名監製 蕭笙 。

一手帶入亞洲電視就有機會成為主角，一做亦足足17年光景，到2012年轉投Now，兩年後再正式加入當年未有提供一紙合約嘅TVB。

《不懂撒嬌的女人》入面嘅 游生 唔少人見到佢都叫到而家，Andrew亦話完全冇諗過劇集滲透力嘅強勁。另一部難忘之作係同樣深受大家愛戴嘅《下流上車族》同一樣出身自亞視嘅 江美儀 正式合作，一場壁咚令佢哋笑唔停，更感動嘅可能係因自己實力而終於捱出頭來。

身高188cm高大又有型，不過Andrew其實心細如塵，同太太 張潔蓮 甜蜜12年正式式成婚，同樣熱愛小動物同小朋友，更係外間認為最甜嘅幕前夫婦之一。

#星光路上 #袁文傑 #藝員訓練班 #娛樂唱片公司 #亞洲電視 #亞視三雄 #不懂撒嬌的女人 #游生 #下流上車族 #江美儀 #張潔蓮 #夫婦 #兒童節目
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0