Hongka Music | Lus Paj Huam Tub Ntsoj Ntxhais Ntsuag

Hongka Music | Lus Paj Huam Tub Ntsoj Ntxhais Ntsuag


Kuv Yuav Hais Kuv Me Nkauj Ntsuag
Niam Txiv Tuag Tseg Wb Thaum Yau
Wb Thiaj Tau Sib Pus Loj Hlob
Koj Muaj Mob Kuv Yog Tug Pab
Kuv Khaub Hlab Koj Yog Tus Ntxiv
Vim Niam Txiv Tuag Tseg Thaum Yau
Wb Thiaj Tau Ua Ntsoj Ua Ntsuag
Poob Kua Muag Los Txog Tav Nod
Neej Tsis Sov Li Luag Teb Chaws
Luag Sawv Daws Muaj Niam Muaj Txiv
Luag Hawv Hiv Rau Ub Rau No
Luag Tsis Nco Yuav Txob Yuav Txhawj
Luaj Kawm Txawj Thiab Luag Kawm Ntse
Hais Lus Nthe Rau Wb Ntsoj Ntsuag
Poob Kua Muag Tu Saib Tshaj Plaws
Lub Neej Khaws Txoj Kev Ua Ntsuag
Tsis Tau Luag Nrog Luag Ua Neej
Luag Pheej Xyeej Tub Ntsoj Ntxhais Ntsuag
Lub Neej Pluag Txoj Kev Kaub Huam
Kuv Nkauj Muam Wb Sib Dai Nyob
Wb Loj Hlob Los Txog Txij No
Koj Yuav Tso Koj Me Leej Nus
Yuav khiav Mus Pib Dua Neej Tshiab
Neej Kaj Siab Lawm Yav Tom Ntej
Tsam Luag Tej Thuam Kuv Nkauj Muam
Hais Tias Ruam Niag Ntxhais Ntsoj Ntsuag
Niam Txiv Tuag Tsis Muaj Neeg Qhuab
Thiaj Xyaum Xuab Tsis Paub Ua Noj
Nkauj Muam Koj Rub Siab Kom Ntsev
Ua Niam Tsev Kom Zoo Os Mog
Vim Yus Yog Niag Nkauj Ntsuag Nos
Tsis Txhob Tos Luag Ua Yus Noj
Yus Ua zoj Luag Thaij Tsis Cem
Txhob Xyaum Phem Mog Me Nkauj Ntsuag
So Kua Muag Mus Ua Luag Ntxhais
Mloog Luag Hais Thiak Li Ntsheej Cuab
Yuav Tsum Mloog Yus Tus Txiv Qhuab
Yuav Tsheej Cuab Tsheej Yim Tom Ntej
Kuv Muam Nej Yuav Tsum Saib Ntev
Ua Niam Tsev Kom Tsheej Ib Yig
Es Mus Nplig Yus Tub Yus Ki
Luag Cov Uas Muaj Niam Muaj Txiv
Luaj Yuav Chiv Sawv Kev Ua Neej
Txhua Tus Yeej Muaj Khoom Phaj Tshab
Nyiaj Phij Xab Thiab Tsoos Fij Cuam
Rau Luag Muam Mus Ua neej Tshiab
Txhob Tu Siab Nkauj Muam Ntsuag Nos
Koj Nus Tos Tsis Muaj Muab Los
Vim Ntsuag Nos Koj Yeej Paub Zoo
Tsis Muaj Hmoo Tsis zoo Li Luag
So Kua Muag Txhob Tu Siab Mog
Wb Yeej Yog Nkauj Muam Ntsuag Nos
Tsis Muaj Tus Los Hlub Los Qhia
Ua Neej Tsia Luag Tej Tau Zoo
Yog Txoj Hmoo Los Duav Los Txoos
Vajtswv Roos Pov Hwm Koj Mog
Yog Hmoo Txog Nyaj Yuav Tau Zoo
Kuv Muam Koj Mus Kom Nto Moog
Ua Neej Zoo Txhob Khiav Nkauj Fa
Koj Tsis Muaj Ib Tug Neej Tsa
Yuav Los Nta Los Nrog Yus Hais
Kuv Muam Mus Kiab Kiab Khais Khais
Mloog Kuv Hais Thaij Li Xws Luag
Koj Nus Ces Tsuas Thuav Qhov Muag
Nyob Ua Ntsuag Txom Nyem Tom Qab
Npaj Tsis Tau Ib Ce Khaub Hlab
Coj Los Pab Rau Kuv Muam Tau
Ua Tsoos Laus Pov Hwm Kuv Muam
Yog Neeg Ruam Neej Ntsoj Neeg Ntsuag
Ua Lub Nej Raws Tsis Cuag Luag
Tshuav Qhov Muag Saib Koj Sawv Kev
Ua Siab Ntev Mog Kuv Nkauj Muam…
Tsis Ntshai Thuam Mas Xav Lawv Qab
Sau Khuab Hlab Mus Nrog Koj Nyob
Los Tsam Yog Vim Neeg Zej Zog
Hais Ngig Ngog Tub Ntsoj Ntxhais Ntsuag
Hais Tias Pluag Muab NWs Nkauj Muam
Coj Los Yuam Rau Luag Rau Ncoo
Es Sau Loo Los Nrog Luag Nyob
Ntsuag Plab Hlob Cas Tsis Txaj Muag
Cas Tsis Txuag Yus Txoj Kev Ntsuag
So Kua Muag Koj Mus Koj Mog
Yog Hlub Txog Nug Kuv Moo Thiab
Ua Ib Saib Mus Nrog Luag Nyob
Yus Muaj Mob Luag Thiaj Nrog Tu
Koj Leej Nus Tsis Muaj Kwv Tij
Ua Ib Yig Txom Nyem Tshaj Plaws
Yuav Tsum Khaws Mloog Kuv Cov Lus
Tsis Muaj Tus Los Ntsuas lub Neej
Luag No Xyeej Tub Ntsoj Ntxhais Ntsuag
So Kua Muag Ib Siab Mus Mog…
Yog Hnov Txog Tias Koj Leej Nus
Pa Tsis Nqus Koj Nus Tau Tuag
Tuaj Pab Khawb Av Npog Qhov Muag
Ua Kuv Luag Faus Tas Mam Mus
Ua Ib Sim Nkauj Muam Nraug Nus
Koj Npaj Mus Pib Dua Neej Tshiab
Neej Ntxov Siab Txoj Kev Ntsoj Ntsuag
Txoj Kev Tuag Muab Rau Leej Nus
Pab Nqa Mus Qhia Rau Vajtswv
Txoj Kev Khwv Muab Rau Kuv Mog
Vajtswv Nrog Qhia Koj Lub Neej
Koom Koj Yej Txoj Niag Kev Ntsuag
Soa Kua Muag Vajtswv Pab Kom
Kuv Muam Tej Tub Ki Tau Nom
Khwv Nyiaj Kom Tau Los Puv Txhab
Vajtswv Pab Kuv Muam Kom…
Lub Neej Vam Meej
Os Kuv Muam Ntsuag Nos…

---------------------------------------------------
» Facebook :Hồng Ngũ Ka
https://www.facebook.com/profile.php?...

© Copyright by LaimXyooj Home Studio