Әскерге кетіп, үйіне есінен адасқан күйде оралған сарбаз туралы тың ақпарат пайда болды

Ақтау қаласындағы 25/744 әскери бөліміне Отан алдындағы борышын өтеуге барып, үйіне есінен адасқан күйінде оралған Ринат Жеткергенов қайтуға бір апта қалғанда командирлермен ерегесіп қалған. Сарбазбен бірге әскерде болдым деген қызылордалық азамат осы жағдайдан кейін Ринатты Рота командирлері басқа жатақханаға алып кеткенін әрі содан соң оның бір апта көрінбегенін айтты.
БЕКАРЫС ТАҢАТАРОВ:
– Қайтуға бір апта қалғанда Ринатты алып кетті общагаға часттің сыртындағы. Содан бастап Ринатты бір апта көрмедік. Тек пойызда көрдік. Оған дейін стройда болған жоқ. Ешкім іздеген де жоқ
Арал ауданының тұрғыны Бекарыс Таңатаров Ринат Жеткергеновпен теңіз әскери флотында бір жыл бойы бірге әскери борышын өтегенін айтады. Сөзінше, әскери бөлімдегі сарбаз бен командирлердің арасындағы кикілжіңнен кейін, Ринатты тек пойызға мініп жатқанда көрген. Тіпті сол кездің өзінде Ринаттың есі кіресілі-шығасылы, дәл қазіргідей не айтып, не қойғанын білмейтін хәлде еді дейді. Бірақ жатақханада не болғанынан бейхабармын деп отыр. Ал министрлік өкілдері қазір Ринат Жеткергеновтың жағдайына қатысты тексеру жүргізіліп жатқанын жеткізді. 19 жастағы сарбаз әлі өзіне келген жоқ.






Бізді әлеуметтік желіде оқыңыздар:
Youtube -   / @informburo31kanal  
Facebook -   / informburo31  
Instagram -   / informburo31  
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#әскер #әлімжеттік #ҚарулыКүштер #дедовщина