[兒童聖經故事] 五餅二魚 (廣東話)

Original picture can be found in
https://www.freebibleimages.org/illus...
Contributed by Sue Bentley
Under Creative Commons Attribution-ShareAlike 3.0 Unported License.

五餅二魚。
有一日，耶穌同佢嘅門徒一齊搭船渡過加利利湖。

耶穌一到海灘，就有好多人跟隨佢。佢地想听耶穌對佢地講論神嘅道，同睇耶穌醫治病人嘅神蹟。

耶穌忙咗一整日， 已經就快天黑，跟隨佢嘅人都又攰又餓。門徒提議耶穌打發嗰啲人回家，等佢哋可以喺天黑之前食啲嘢。

但耶穌決定做一件非常特別嘅事情，佢叫門徒搵食物俾大家食。門徒好擔心，因為跟從耶穌嘅人好多。佢地點會夠食物分俾咁多人呢？

一個叫安得烈嘅門徒，帶咗一個小男孩到耶穌面前，小男孩有五餅二魚。 “我地點先可以用呢啲食物分俾咁多人呢？”安得烈問。耶穌卻笑笑口咁，多謝小男孩。

就喺天快黑嘅時候，耶穌叫大家坐低。然後拎起食物， 並且祝福，再將食物擘開。耶穌吩咐門徒將餅同魚分俾所有人。

當門徒分發食物嗰時，佢地突然意識到耶穌成就左一個神蹟！所有人都拎到足夠嘅食物。每個人都有食物食， 而且每個人都食飽！

然後耶穌叫門徒，將啲人冇食過嘅食物都收集起嚟。佢地竟然收集到12籃剩餘嘅食物！神賜食物俾5000多個男人、同一啲女人同小孩，因為神愛佢地！