Հադրութ, 1988-ի փետրվարի 12․ ինչպես սկսվեց Շարժումը

Դիտե՛ք նաև․ «Լույս, ստվեր, խավար | Light, Shadow, Darkness»
   • Լույս, ստվեր, խավար | Light, Shadow, Darkness   -~-
1988 թվականի փետրվարի 11-ին Ստեփանակերտում Ադրբեջանի կոմկուսի կենտկոմի երկրորդ քարտուղար Վասիլի Կոնովալովի և Լեռնային Ղարաբաղի առաջնորդ, մարզկոմի առաջին քարտուղար Բորիս Կևորկովի մասնակցությամբ տեղի ունեցավ մարզկոմի բյուրոյի նիստ, որի ընթացքում որոշվեց ԼՂԻՄ-ի շրջաններում՝ Հադրութում, Ասկերանում, Մարտունիում, Մարտակերտում, ինչպես նաև մարզկենտրոն Ստեփանակերտում փետրվարի 12-ին անցկացնել կուսակցական և տնտեսական ղեկավարների հանդիպումներ, արձանագրություններ կազմելով դատապարտել մարզում տեղի ունեցող իրադարձությունները՝ ԼՂԻՄ-ը Խորհրդային Հայաստանի հետ վերամիավորելու ստորագրահավաքը, ղարաբաղյան պատվիրակությունների այցերը Մոսկվա։

Հադրութի հանդիպումը վերածվեց հանրահավաքի։ Արցախյան շարժման Հադրութի ներկայացուցիչներից Գագիկ Ավանեսյանը և Մարգարիտա Սարգսյանը վերհիշում են ուղիղ 30 տարի առաջ տեղի ունեցածը, ինչպես նաև՝ դրան նախորդած իրադարձությունները, այդ թվում 1985-ի ստորագրահավաքը, երբ հադրութեցի ակտիվիստները, օգտվելով Գորբաչովի հայտարարած Պերեստրոյկայից ու Գլասնոստից, ստորագրահավաք էին կազմակերպում, որպեսզի ալեհավաք տեղադրվի և հնարավոր լինի Խորհրդային Հայաստանի հեռուստատեսությունը դիտել նաև Հադրութում։

ՍիվիլՆեթի Թաթուլ Հակոբյանը, Անի Գրիգորյանը, Արմեն Մկրյանը և Գևորգ Հարոյանը այցելել են Հադրութ։

© Նյութի հեղինակային իրավունքները պատկանում են Սիվիլիթաս հիմնադրամին: ՍիվիլՆեթի խմբագրական քաղաքականության համաձայն` արգելվում է օգտագործել ՍիվիլՆեթի նյութերը առանց պատշաճ հղման, ներբեռնել և այլ օնլայն հարթակից վերբեռնել ՍիվիլՆեթի պատրաստած և տարբերանշանը կրող տեսանյութերը` առանց համապատասխան համաձայնության:

© Copyright of this report belongs to the Civilitas Foundation. In accordance with the editorial policy of CivilNet (the media project of the Civilitas Foundation), materials may not be reproduced, distributed, transmitted, displayed, published or broadcast without the prior consent of CivilNet. You may not alter or remove any trademark, copyright or other notice from copies of the content.