صالح الزهيري - كبار الجموع (حصرياً) | 2025

جميع الحقوق محفوظة يمنع نسخ المحتوى .

إشترك في قناة شيلات صالح الزهيري الرسمية
https://cutt.us/xQogP

اسم العمل ( كبار الجموع )
كلمات: علي بن حمري
الحان واداء: صالح الزهيري
تصميم: المفارق

كلمات :
انا في ضلوعي كفخة مثل كفخة طير
على اول هداده واثقاً منه صقاره

عسى اللي احسه خير واعلى الله التدبير
وترى كل علمن طيباً فاله بشاره

ولو الحيا والطيب والجود والتقدير
ماطاب الاخو فى اخوه والجار في جاره

ولولا جناحينك ويش يطيرك ياطير
ولو حد مخلابه ولو حد منقاره

واذا كان عندك سر فخلق لسرك بير
ولاتشكي العثره على كل عثاره

لكن زبدة الموضوع يا هل المعرفه غير
هذا اليوم عن باقي لياليه كفاره

هلا مرحبا ترحيبةً مثل ضلع النير
على حفلنا اللي منكم شعت انواره

بسلامة اخونا جعل ماصارله تكفير
وزواج الصبي الله يبني بنا داره

بنات الرجال اللي بعيده من التقصير
سواة السلاح اللي مضاربه في شاره

تشومين للي يعرف الكسر والتجبير
يجلي الهموم وكل غيداً بتختاره

ولاتاخذين الا معرب وراعي خير
ولو قل ماله ،، ساسه الطيّب تجاره

وفي مدح ربعي جعل من لامني التعزير
لاجاء الشان حضّاره وفي الضيق ستاره

حبابيةً ولها على على المعرفه تأثير
على الطيب سُباق و على السلم غياره

على ضدها نار وعلى ربعها تسفير
مثل ضوح نوراً غط ليله وديجاره

سواليف ابوزيد وكليباً واخوه الزير
تعدته حتى صارت النار جماره


كبار الجموع محجرة حفها تحجير
قبل مانعرف المنطقيه ولا الحاره

وربعي قحطان اللي تصون العهد وتجير
صعاب السلوم ،، ومرجع الحق واقراره


هم عيال عوداً لا دخايل ولاتزوير
مثل صفو نبعاً مايجي به تكداره


لمتابعة صالح الزهيري عبر وسائل التواصل الاجتماعي:
Twitter: http://bit.ly/2mFVA2E تويتر
Instagram: http://bit.ly/2Baqvcy انستقرام
Snapchat: http://bit.ly/2FNJNrO سناب شات
Google+: http://bit.ly/2mGlO4Z جوجل بلس
ــ