Ахбори Точикистон Имруз - 08.04.2025 | novosti tajikistana | اخبار تاجیکستان

Аз 7 то 10 апрел дар пойтахти мамлакат-шаҳри Душанбе «Ҳафтаи илм, технология, инноватсия ва ихтироъкории наврасону ҷавонони шаҳри Душанбе» баргузор мегардад. Дар доираи он имрӯз дар IT Park-и шаҳри Душанбе Форуми ҷавонону наврасони шаҳри Душанбе оид ба технологияҳои иттилоотӣ ва коммуникатсионӣ бо иштироки зиёда аз 230 хонандаи муассисаҳои таҳсилоти миёнаи умумии пойтахт баргузор гардид. Дар ин хусус ба АМИТ «Ховар» аз Маркази таҳлилӣ-иттилоотии назди Сарраёсати маорифи шаҳри Душанбе хабар доданд.

Иброз гардид, ки бо ташаббуси Раиси шаҳри Душанбе муҳтарам Рустами Эмомалӣ дар пойтахт «Ҳафтаи илм, технология, инноватсия ва ихтироъкории наврасону ҷавонони шаҳри Душанбе» бошукуҳ баргузор карда мешавад.

Форуми ҷавонону наврасони шаҳри Душанбе оид ба технологияҳои иттилоотӣ ва коммуникатсионӣ дар доираи ин ҳафта доир шуда, ба баланд бардоштани сатҳу сифати таҳсил, рушди тафаккури техникӣ, тарғиби ҷаҳонбинии илмӣ, дастрасӣ пайдо кардан ба техникаву технология, тавсеаи ихтироъкорӣ ва навоварӣ, бедор намудани шавқу рағбати хонандагон ба эҷодкорӣ, омӯзиши амиқи илмҳои дақиқ ва риёзӣ, дастгирии ихтироъкорону навоварони наврасу ҷавон ва дарёфту муаррифии истеъдодҳои нав дар байни хонандагони муассисаҳои таҳсилоти миёнаи умумии шаҳри Душанбе мусоидат менамояд.

Не забываем подписаться на канал,
а если понравилось - поставить Лайк