มาหนุนดวงใหม่ - สลา คุณวุฒิ【เวอร์ชั่นร้องไกด์】Original : ไผ่ พงศธร

เพลง มาหนุนดวงใหม่
ร้องไกด์ : สลา คุณวุฒิ
ศิลปิน : ไผ่ พงศธร
คำร้อง/ทำนอง : สลา คุณวุฒิ
ดนตรี : ปิยะวุฒิ ณ บางช้าง

(พูด)
ตกมาปีนี้ ดวงผู้ข้าฯจักว่าเป็นอีหยัง
บ่พอพังกะพัง บ่พอฮ้าง กะฮ้าง ลมพัดลมเพ
หม่องเดียวนี่เด้ที่คิดต่อ กะจั่งได้ดั้นด้นมากราบหลวงพ่อสุริยันต์
ที่สารคามวังน้ำเย็นสารคามหม่องนี้ ขอให้ส่อยโผดให้ส่อยผาย
ส่อยหนุนดวงใหม่ ให้ผู้ข้าฯ แนเด้อ..สาธุ

ดวงลูกเคยดี แต่วันนี้คงเก่าเกินไป
อันใด๋ อันใด๋ กะติดกะขัด ขาดๆ เกินๆ
หลวงพ่อสุริยันต์วัดวังน้ำเย็นเด้อ.. ไปหาเพิ่น
สารคามเจดีย์สูงเจินเทิ่น ให้ไปกราบเพิ่น หลายคนบอกมา

หอบเอาความหวัง หอบดวงเซซังมานั่งให้ปัว
เอาไม้เคาะหัว ปลดทุกข์ปลดหนี้ ให้มั่งมีแนหนา
ขอบารมีโฆษะปัญโญ พลิกหนุนบุญญา
ขอวาจาสิทธิ์หนุนดวงผู้ข้าฯ สมปรารถนา ให้คนส่าจ้นจ้น..

(พูด)
หลวงพ่อเอ้ย
มื้อนี้ผู้ข้าฯ ทั้งบู่ทั้งม่น
มาขอซ่นฮ่มบุญ ขอที่สุดพุทธคุณ
หนุนดวงพลิกชีวิต ส่อยผู้ข้าแนถ้อน

(Hook)
ดวงเก่าพังหมุ่น ขอบุญมาหนุนดวงใหม่
อยากมีหม่องยึดใจ อยากมีร่มไทรกั้งหัวใจหม่น
เหรียญหนุนดวงใหม่ บูชาขึ้นคอ แล้วลืมความจน
เหมือนใจได้มีห่มซ้น เมื่อได้น้ำมนต์จากวังน้ำเย็น

บ่ได้เว้าโพด ตั้งแต่มีเหรียญหนุนดวงใหม่
พ้อไผต่อไผ กะทรงยิ้มให้ เสน่ห์แรงเห็นๆ
ห้อยหลวงพ่ออีหยัง มาต้อยมาถามมาขอส่องบ่เว้น
พ่อสุริยันต์วัดวังน้ำเย็น ฮ้อนมาแค่เห็น กะเย็นหัวใจ

(พ่อสุริยันต์แห่งวังน้ำเย็น ได้ยอมือไหว้กะเย็น ไปฮอดหัวใจ)

ติดตามข้อมูลข่าวสารจากบ้านครูสลา ▼
facebook ::   / bankroosala  
IG ::   / kroo_sala  
Tiktok :: https://www.tiktok.com/@baankroosala?...

#บ้านครูสลา