أضرار الوحدة و العزلة و ازاي تتخلص منهم | تميم عمرو

دي الحقيقة الصادمة عن الوحدة
و دي الأسباب اللي تخلينا المفروض نتعامل معاها بجدية أكتر
في دراسات بتقول ان 1 من كل 3 أشخاص بيشعر بالوحدة
و التأثيرات الصحية السلبية للوحدة.......صادمة
في دراسات بتقول ان الناس اللي بتشعر بالوحدة ممكن تكون عرضة للوفاة قبل أوانهم
بسبب مشاكل صحية بنسبة 50% أكتر من غيرهم
الباحثين وجدوا ان الوحدة مضرة لصحتنا بما يعادل تدخين مش بس سيجارة , مش بس سيجارتين
لكن بما يعادل 15 سيجارة في اليوم
في استطلاع رأي في أمريكا كان نتيجته ان تقريبا نص الشعب الأمريكي بس
بيمر بتعاملات حقيقية و عميقة بين أحبائهم و أصدقائهم و عائلاتهم خلال اليوم الواحد
نصهم بس
Generation Z
أو مواليد 1995 لحد 2012
بيقولوا انهم أكتر جيل بيشعر بالوحدة
و نتيجة ده بيمروا بمشاكل و أزمات صحية كتير
الوحدة كمان بتكون مرتبطة بالكسل , قلة النشاط الجسدي , ادمان التكنولوجيا و السوشيال ميديا
و انهم مش بيكونوا قادرين أنهم يشاركوا مشاكلهم مع الاخريين
في دراسة اتعملت على 20000 شخص
54% منهم قالوا انهم ميعرفوش شخص 1 بس يعرفهم كويس
بالاضافة ان 56% من الأشخاص قالوا ان الناس اللي بيحوطوا نفسهم بيهم.......مش بالضرورة بيكونوا معاهم
و تقريبا 40% قالوا أنهم بيفتقدوا الصحبة , معندهمش علاقات قوية و عميقة مع حد و بيشعروا بالأنعزال
تقريبا كلنا مرينا بأننا يكون حوالينا ناس لكن حاسين بالوحدة
كلنا تقريبا اتعزمنا على مناسبات لكن لما بنروح بنكون عايزين نمشي
كلنا بيجيلنا لايكس على السوشيال ميديا
لكن مش بالضرورة ان احنا نكون بنحس بالحب في الحياة الحقيقية
كتير مننا ممكن يجيله كومنتس على البوستس
لكن ميلاقيش حد يكلمه لما يكون محتاجه في الحقيقة
الوحدة شعور حقيقي و ده اللي احنا لازم نعمله اتجاهها
في دراسة اتعملت على 2500 شخص على مدى 6 سنين
الباحثيين وجدوا ان الناس اللي بتشوف ان امتلاك الأشياء المادية علامة من علامات النجاح......بيحسوا بوحدة أكتر
لما بنستثمر فلوسنا في تجارب زي السفر أو ان أنت تجرب أكلة جديدة أو مكان مختلف
بدل ما نستثمر فلوسنا في حاجات مادية زي الهدوم و الموبايلات و العربيات
دي بتكون طريقة عظيمة ان احنا نكسر بيها احساس الوحدة و دوامة ان احنا دايما ناقصنا حاجات مادية كتير
خصص وقت كل يون ان أنت تكلم صديق ليك
أشترك في كورس و أتعلم حاجة جديدة
جرب العمل التطوعي علشان تزود عندك احساس العطاء
قضي وقت أكتر مع الناس اللي شبه مستقبلك
The Mental Health Charity Of Mind
أو منظمة الصحة العقلية بأنجلترا بتقول ان في حاجتين ممكن يكونوا بيسسبوا احساس الوحدة
الحاجة الأولى ان شخص ميكنش عنده تواصل اجتماعي كافي
زي انه يكون معندهوش أصدقاء أو معندهوش عائلة أو عايش لوحده
الحاجة التانية ان شخص يكون حواليه ناس كتير
بس مفيش فيهم حد فاهمه أو حاسس بيه أو بيهتم بيه أو بيديله الحب و الأهتمام اللي هو محتاجه
الفكرة مش أن يكون في حوالينا ناس
على قد ما الفكرة ان احنا يكون حواينا ناس فاهمينا و حاسين بينا
الفكرة مش مجرد أن أحنا نتعزم و خلاص
بس الفكرة ان احنا نحس ان وجودنا فارق و مهم
احساس الوحدة بيجيلنا ان احنا بنشوف ان احنا مش مهمين
و ان احنا ملناش لازمة و ان احنا مش بنشوف قيمتنا الحقيقية
الوحدة مش انك تكون لوحك
الوحدة هي احساس ان انت مش محبوب
فأبدأ انك تحب نفسك

#تميم_عمرو

Facebook:   / tamimamr91  

Instagram:   / tamim_amr