Mujh py bhi chashm e karam mery AQQA ﷺ krna| Qawali Darbar Golra sharif
Автор: Ghulaman_e_Golra غلامان گولڑہ
Загружено: 2023-10-20
Просмотров: 420
مجھ پہ چشمِ کرم اے مرے آقاﷺ کرنا
حق تو میرا بھی ہے رحمت کا تقاضا کرنا
میں کہ ذرہ ہوں مجھے وسعتِ صحرا دے دے
کہ تیرےﷺ بس میں ہے قطرے کو بھی دریا کرنا
میں ہوں بےکس ترا شیوہ ہے سہارا دینا
میں ہوں بیمار تراﷺ کام ہے اچھا کرنا
تُوﷺ کسی کو بھی اٹھاتا نہیں اپنے در سے
کہ تریﷺ شان کے شایاں نہیں ایسا کرنا
تیرےﷺ صدقے، وہ اُسی رنگ میں خود ہی ڈوبا
جس نے، جس رنگ میں چاہا مجھے رسوا کرنا
یہ تراﷺ کام ہے اے آمنہ کے دُرِّ یتیم
ساری امت کی شفاعت، تنِ تنہا کرنا
تیرےﷺ آگے وہ ہر اک منظرِ فطرت کا ادب
چاند سورج کا وہ پہروں تجھے دیکھا کرنا
دشمن آجائے تو اٹھ کر وہ بچھانا چادر
حسنِ اخلاق سے غیروں کو وہ اپنا کرنا
کوئی فاروق سے پوچھے کہ کسے آتا ہے
دل کی دنیا کو نظر سے تہہ وبالا کرنا
اُن صحابہ کی خوش اطوار نگاہوں کو سلام
جن کا مسلک تھا طوافِ رخِ زیبا کرنا
مجھ پہ محشر میں نصیرؔ اُن کی نظر پڑ ہی گئی
کہنے والے اسے کہتے ہیں، خدا کا کرنا
Доступные форматы для скачивания:
Скачать видео mp4
-
Информация по загрузке:
