Bëje matin si shahist në karrige me rrota, Edicioni 1 në Bashkinë e Tiranës 10.05.2025 - Enxhi Nasto

Kampionati i parë në Bashkinë e Tiranës për PAK "Bëje matin si shahist në karrige me rrota", me mbështetjen e Kompanisë Qafshtama, Union Bank dhe Bashkia Tiranë.

Personat më aftësi të kufizuara që gjënden prej vitesh në karrige me rrota, janë njerëz që janë përpjekur vazhdimisht të mos kufizojnë zhvillimin e mëndjes së tyre, janë njerëz që janë të integruar në marrëdhënie pune dhe përpiqen të integrohen në jetën socio-ekonomike në vëndin e tyre.

Personat me aftësi të kufizuar (karrige me rrota) kanë ndjekur 14 seanca trajnimi nga një ekspert dhe trajner i shahut, dhe janë formësuar jo vetëm për funksionet e gurëve të shahut, për pozicionimin e tyre në fushën e veprimit, por edhe për qasjen filozofike që ka loja e shahut.

Loja e shahut të ndihmon se si të dallosh taktikën nga strategjia. Shahisti në fushën e lojës dhe njeriu shahist në jetë duhet ta kuptoj se taktika është të diturit çfarë të bësh kur ka diçka për të bërë, ndërsa strategjia është të diturit çfarë të bësh kur nuk ka asgjë për të bërë. Edhe kur ky komunitet ndodhet në rrethana kushtëzuese duhet të mendojë për një strategji të re jete për t’u bërë lider diku, edhe kur di se çfarë të bëj duhet të zgjedhi teknikën e duhur të komunikimit dhe të bëj lëvizjen e rradhës të zgjuar për të arritur objektivin e synuar.

Kampionati i shahut përfundoi në datë 10 Maj 2025 me fitoren e çmimit Garry Kasparov nga konkurrentja Pranvera Dika, ku çmimi me vlerën prej 100,000 ALL u mundësua nga Kompania Qafshtama, ndërsa çmimi i vëndit të dytë Magnus Carlsen u fitua nga Atnad Saliaj, i mundësuar nga Union Bank.

Ëndrra e karrigeve me rrota vazhdon...