Ragga Gröndal - Alltumkring // RUV.IS // 2021

Source: RUV - https://www.ruv.is/frettir/menning-og...

Guitar - Gudmundur Petursson    / @gummip  

Music video -    • Ragga Gröndal - Alltumkring  
Link to album Töfrabörn on Bandcamp - https://raggagrondal.bandcamp.com/alb...

~~~~~~~~~~~~
Alltumkring

Tærir regndropar
féllu niður þann dag
er ég og þú
hittum eilíðina
inn í andartaki
sem hvarf
er nú týnt
– kemur ei meir.

Augun sögðu allt
eins og saga um ást
í góðri trú
grófstu þér stað
í litlu hjarta
sem brast
læknaðist
– leitar ei meir.

Öldur hafsins sem rísa og falla
bæði týnast og sjást
djarfir og hræddir
litlir og stórir
mennirnir leita og þjást
alltumkring og þeir finna sem kalla
finna alltumkring ást.

Laufin sumargræn
segja meira en orð
um okkur tvö
og hamingjuna
sem fuglar fljúgum burt
í sól
skiptum ham
– efumst ei meir

Öldur hafsins sem rísa og falla
bæði týnast og sjást
djarfir og hræddir
litlir og stórir
mennirnir leita og þjást
alltumkring og þeir finna sem kalla
finna alltumkring ást.

~~~~~~~~~~~~
All Around

Clear raindrops
fell that day
when you and I
met eternity
in a moment
that disappeared
is now lost
and will not return.

The eyes said everything
like a story of love
in good faith
you dug a place
in a little heart
that broke
was healed
and searches no more.

Waves of the sea rise and fall
both vanish and appear
brave and afraid
big and small
the men search and suffer
all around, and those who call
find love all around.

The summer-green leaves
say more than words
about us two
and happiness
like birds we fly away
into the sun
shapeshift
and we doubt no more.

Waves of the sea rise and fall
both vanish and appear
brave and afraid
big and small
the men search and suffer
all around, and those who call
find love all around.

(translated by @somethingswell on lyricstranslate - https://lyricstranslate.com/en/ragnhe...)

~~~~~~~~~~~~
Original description:

Tileinkuðu þrífættum ketti lag

„Við erum með nóg af ástarlögum til að gleðja fólk og fagna ástinni,“ segir Ragnheiður Gröndal sem kom í Stúdó 12 á Valentínusardag ásamt Guðmundi Péturssyni eiginmanni sínum. Þau fluttu nokkur ástarlög fyrir hlustendur Rásar 2 í tilefni dagsins.

Fyrsta lagið er Ástarþula sem Ragnheiður segist hafa samið til eiginmanns síns. „Ég man eftir að hafa samið þetta þegar ég bjó í Hlíðunum. Ég var með gítar og var búin að hlusta mikið á Ólöfu Arnalds, var undir miklum áhrifum. Textinn er klárlega undirmeðvitundin að yrkja til Gumma,” segir Ragnheiður.

Ragnheiður og Guðmundur syngja mikið í brúðkaupum og þar er einna vinsælast lag Bubba Morthens, Með þér. Ragnheiður gerði ábreiðu af laginu fyrir safnplötu með íslenskum ástarlögum. Hún segist enn hafa gaman af því þótt hún hafi sungið það ótal sinnum. „Maður fattar það sem flytjandi, maður verður bestur í lögunum sem maður syngur oftast. Þetta er svo mikið vöðvaminni. Mér finnst það rosalega gaman,“ segir Ragnheiður.

Þegar Ragnheiður er beðin að spila í brúðkaupum tekur hún Guðmund yfirleitt með sér. „Við vinnum svo mikið saman að mér finnst það skemmtilegra en að vera ein,” segir hún.

Þau hjónin eru mikið kattafólk og segjast verða að hafa ketti á heimilinu. Einn af þeim köttunum þeirra hét Bangsi og var þrífættur. Ragnheiður segir að hann hafi verið hreysiköttur og samdi um hann lag. Birgir Baldursson trommari hafi notað trommutakt í laginu sem henni þótti hreysikattarlegur og því kom ekki annað til greina en að nefna lagið eftir Bangsa.

Eitt þekktasta lag Ragnheiðar heitir Ást. Lagið samdi Magnús Þór Sigmundsson við ljóð Sigurðar Nordals frá árinu 1918. „Ég elska þetta ljóð. Mér finnst þetta svo ótrúlega fallegt, það er svo ríkt af myndmáli. Hann er að vinna mikið með andstæður sem er það sem við erum að leitast eftir í þeim sem við elskum. Við erum að leita til fólks af því það er að vega upp einhverja veikleika í okkur og svo erum við að vega upp eitthvað annað í þeim,” segir Ragnheiður.

Lögin sem Ragnheiður og Guðmundur fluttu í Stúdíó 12 eru þessi:

1. Ástarþula (höf. Ragnheiður Gröndal)
2. Með þér (höf. Bubbi Morthens)
3. Bangsi (höf. Ragnheiður Gröndal)
4. Ástarorð (höf. Ragnheiður Gröndal)
5. Ást (höf. Magnús Þór Sigmundsson og Sigurður Nordal)
6. Ein stjarna björt (höf. Ragnheiður Gröndal)
7. Alltumkring (höf. Ragnheiður Gröndal)

Hægt er að horfa á tónleikana í heild sinni hér að ofan.