陳煒甜蜜出嫁 醫生老公承諾照顧一生一世

陳煒甜蜜出嫁 醫生老公承諾照顧一生一世

陳煒去年生日獲醫生男友陳國強以巨型鑽戒求婚，陳煒今日披上嫁衣，正式與陳國強拉埋天窗，早上儀式從簡，未有安排接新娘環節，晚宴有江美儀、陳山聰、黃浩然及朱晨麗等圈中朋友陸續到賀。

陳煒身穿露肩水晶配飾嘅婚紗、戴上勁大粒嘅珍珠鍊現身，盡顯高貴優雅，跟老公下午拖手步出半島酒店，二人均戴上透明口罩，不時甜蜜對望，陳煒更細心為老公整好口罩，幸福滿瀉！

陳煒合照時更小鳥伊人般撓實老公，當在場記者要求二人咀嘴時，老公則與陳煒「隔罩」扮錫，陳煒受訪時表示心情平靜，佢話下午已在婚姻註冊處簽紙，結成夫婦，陳煒解釋：「3個月前登記，當時未諗住擺酒，想簡單註冊就算，結果而家多咗個晚宴，就唔改啲簽紙儀式，照番去做，都好近！」陳煒又爆家姐做證婚人，喺佢喺簽紙時，佢家姐忍唔住喊，反而佢同老公都冇喊，被問有冇NG，陳煒即甜笑：「冇NG！冇得NG！」

陳煒透露晚宴以西式自助餐進行，邀請50位親朋好友，老公笑指自己唱歌難聽，所以唔會台上獻唱，屆時將同老婆講出愛的宣言，陳煒指晚宴要換三套晚裝，自言請唔晒所有朋友，稍後陸續同親友食飯，陳煒之後仲要參加《黃金盛宴》演出，緊接仲有其他宣傳，講到陳煒工作咁辛苦，老公作出承諾：「我會照顧佢一生一世。」陳煒則笑言：「好似係我照顧你。」老公稱遲啲去度蜜月，希望享受陽光與海灘，陳煒更踢爆老公為婚宴辛苦減咗3 kg。

江美儀、陳山聰及黃浩然出席TVB台慶亮燈即趕到場，佢哋受訪時透露封四位數字利是做「入場費」，江美儀笑住向陳山聰及黃浩然講：「如果我再結婚，你哋兩個要畀5位數。」陳山聰同黃浩然異口同聲：「冇問題，你都開到聲話再結婚。你講得出，我點會唔畀！」之後江美儀讚陳國強對陳煒照顧無微不至，絕對係好男人有擔當，江美儀笑問：「佢哋兩個都咁靜，喺埋一齊講唔講嘢?」陳山聰即回答：「都講嘅，不過好細聲。」江美儀同陳煒識於微時，讚陳煒一向賢淑溫柔，對朋友好好。
而朱晨麗透露封利是畀一對新人，佢指暫時感情未有著落，被問會唔會赴機識陳生嘅醫生朋友，朱晨麗表示：「急都冇用，要緣份到，我唔知今日請咗啲咩朋友。」


#TVB #娛樂新聞 #TVB娛樂新聞台 ＃陳煒 ＃陳國強 ＃醫生老公 ＃江美儀 ＃陳山聰 ＃黃浩然 ＃朱晨麗

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0