محصول شتوى خلال ١٢٠ أرباحه تصل إلى ٦٠٠ ألف جنيه ،ده محصول هدية للفلاحين

#لاتنسى_الاشتراك_تفعيل_الجرس
لو عايز تحصل على اعلى انتاج بصل بمعدل من 30 الى 40 طن بصل اعمل نفس برنامج التسميد بتاعنا ؟؟؟؟؟؟؟
بسم الله والسلام على رسول الله صل الله عليه وسلم
طبعا احنا مكملين معاكم فى الحديث عن زراعة الصل من الشتلات فى مصر والفيديو بتاع النهاردة هنتكلم فيه عن التسميد لمحصول البصل وطبعا دول من اهم المعاملات للبصل وهنتكلم بالتفصيل عنه ومواعيد التسميد بالتفصيل
طبعا التسميد ينقسم الى عدة مراحل
اول مرحلة من التسميد , التسميد الفوسفاتى
طبعا انت بتجهز ارضك من حرت وتخطيط وتبقى جاهزة للزراعة طبعا بتحط مع تجهيز الارض من 6 شكاير الى 10 شكاير سوبر فوسفات محبب وشكارتين كبريت زراعى ولو عندك سماد بلدى متحلل نضيف هتحط 20 متر مكعب معندكش بلاش السباخ العادى عشان بيبقى فيه حشائش وحشرات وبالاضافة ممكن تحط حامض فوسفوريك بمعدل 3كيلو للفدان مع الرى ويضاف من بداية الزراعة حتى قبل الحصاد بشهر
تانى مرحلة من التسميد , التسميد النيتروجينى
طبعا يتم بواسطه سماد نترات النشادر بمعدل من 6 الى 7 شكاير كمياوى نترات للفدان وتقسم على دفعات من بداية الزراعة حتى الحصاد طبعا ممكن تحط واحدة بعد الانفار ماتخلص شتلة والباقى مع كل رية للبصل او ممكن تحط الكمياوى على ميه الشتاء طيب معنديش نترات مفيش اى مشكلة حط يوريا مرتبطش نفسك بحاجه معينه
ثالث مرحلة التسميد , التسميد البوتاسى
يحتاج فدان البصل الى 50 كيلو سلفات بوتاسيوم بتحطه للبصل على مرتين لما يكون البصل عمره شهرين وممكن ايضا يضاف عن طريق الرش بمبيدات تحتوى على بوتاسيوم زى بوتاس ,بوتاسيوم المائمون السائل 36%وطبعا عملاق التحجيم الديورامون وفيه غيرهم كتير المهم يكون مبيد كويس
اخر حاجة من التسميد
الكالسيوم والبروون يتم يضاف من خلال الرش بمبيدات تحتوى على كالسيوم وبرون زى مثلا فيتال برو كالسيوم,جوسبا كالسيوم +بورون يضاف عن تكوين الابصال ولو توفر نترات كالسيوم بتحط 25 كيلو للفدان بس لولوه ترش من مرتين الى 3 مرات كالسيوم على فترات ومتزوتش عن كده عشان لو كترت الكالسيوم بيعمل تشقق البصل
طبعا انت ممكن تحط التسميد اللى قولنا عليه ده وممكن تقلل الكمية زى مانت عايز انت شايف ارضك وجودتها بس اواعى تقلل التسميد خالص او تزود التمسيد عن الحد المسموح بيه عشان الزيادة فى فى التسميد بتعمل التواء فى عروق االبصل
طبعا احنا كده خلصنا موضوع النهاردة
لو عجبك الفيديو اعمل مشاركة الفيديو عشان يوصل لأكبر عدد من إخوتنا الفلاحين
انتظرونا في الفيديو القادم إن شاء الله