Ermənistan Hindistan silahlarını niyə alır? – APA TV

#APATV #iran #ermenistan #fetva #siyasibaxış #metsamor #nuve #atom #Hərbiyardım #mollarejimi #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2023

Ermənistanın fatihəsi elə Eçmiədzində veriləcək – APA TV

Ermənistan Hindistan ilə dəyəri 400 milyon dollardan artıq hərbi müqavilə imzalayıb. Ermənistanın əldə etmək istədiyi silahlar arasında Pinaka reaktiv sistemi var. Bu silahı XX əsrin 80-ci illərində sovet istehsalı olan reaktiv sistemlərlə müqayisə edirlər. Xarici ekspertlər bu sursatları rupi qədər ucuz və yararsız adlandırır. Odur ki, İrandan Ermənistana ötürülən Hindistan silahlarını İrəvanın Qarabağa göndərmək istədiyi ərzaq təxribatı qədər şişirtməyə dəyməz. Erməni siyasi şərhçilər ucuz silahların alınmasını Paşinyanın Kremldən hərbi asılılığını azaltmaq istəyi ilə əlaqələndirirlər. Bundan başqa, Hindistan-İran-Ermənistan yaxınlığınının nüvə mahiyyəti də ola bilər. Çünki Hindistan nüvə silahına sahib ölkələrdəndir, İranda uran istehsalı ilə məşğul olur, Ermənistanda isə Metsamor AES fəaliyyət göstərir. Dehli 1974-cü ildə atom silahına sahib olub və hazırda 140 nüvə bombası var. Ekspertlərin fikrincə, Hindistan və İran Ermənistanı 5 qəpiklik silahlarla təchiz edərək İrəvanın uran potensialını istismar edir. Metsamor AES isə elə Ermənistanın özü kimi qəzalı vəziyyətdədir. Sadalananları nəzərə alsaq, Paşinyanın Hindistanla hərbi əməkdaşlığını Arayik Arutyunyanın tərksilah olunmamaq xülyası qədər məntiqsiz saymaq olar. Həm də İrəvan Azərbaycan ordusunun dronlarına qarşı rus S-300-lərinin müqavimətsizliyini görüb. Lakin Hindistan Pinakası Paşinyanın yeni panikası olacaq. Çünki bu ərplənmiş hind silahının radiusu elə Paşinyanın kabineti qədərdir. Buna görə də Ermənistan nəinki “Bayraktar”, “İtiqovan” dronlarının da hədəfindən yayına bilməyəcək.

Deyəsən Ermənistanın baş naziri Nikol Paşinyan vaxtaşırı Azərbaycan filmlərinə baxır və Bakının itiqovan əməliyyatı zamanı özünün bütün quyruq bulamalarına bəraət qazandırmaq niyyətindədir. “Miatsum” quduzluğunun tam müalicəsi olmasa da, “Dəmir Yumruq” yerindədir və öz torpaqlarımızda bizə diş qıcıyanların başını əzmək iqtidarındadır. Yəni Ermənistana Hindistandan aldığı silahlar kömək etməyəcək. Buna rəğmən, sual yaranır – 400 milyon dollarlıq sursatı niyə alırlar və bu silahı Azərbaycana kim tuşlayacaq? Ara-sıra sülhməramlıların tapdığı separatçı leşləri? Oraqla Paşinyanı hədələyən Koçaryan? Yoxsa əlində çəkic tuta bilməyən Nikol? Axı Ermənistanı kapitulyasiyaya imza atmağa məcbur edən Azərbaycanın şanlı zəfəridir. Məğlubedilməz erməni ordusu mifi, nə bilim Ohanyan səddi də bu qələbə ilə dağıdıldı. Silahlanmış Ermənistanda Azərbaycana qarşı kim vuruşacaq? Müharibədən sonra övladlarından hələ də xəbər-ətər almayan yüzlərlə Anaitlər, Vazgenlər? Yoxsa 3 il əvvəl erməni qızları başına toplayıb tirdə oyuncaq vuran Anna Akopyan? Şayiələrə görə, özünü sülh quşu sayan Anna Akopyan da ərinin Hindistanla hərbi müqaviləsinə istehza ilə irad bildirib ki, siyasi arena, döyüş meydançası sənin bir vaxtlar müxbirlik etdiyin yaşıl stadion deyil. Yəqin Annanın son günlər əkdiyi xiyarlarla Paşinyanın sıx təması var. Axı onun Hindistandan silah almasında “parnik tərəvəzi” qədər qərəz hiss olunur. Paşinyan düşünür ki, Hindistan silahı ilə Cimi, Şaka, yaxud Qita kimi fantastik gücə sahib olacaq? Ermənilərin əslən Hindistan qaraçısı olması bəllidir, amma başa düşmürlər ki, Mumbayın Bollivud filmlərinin fantastik döyüş səhnələrini real həyatda təkrarlamaq mümkün deyil.

Bəzi erməni politoloqlar da Hindistandan silah alışının səbəblərini şərh ediblər. Onların fikrincə, II Qarabağ savaşından sonra normal hərbi parada həsrət qalan İrəvan Hindistana məxsus sursatı məhz yürüşdə nümayiş etdirmək məqsədi ilə idxal edir. Yəni Nikol “uşaq başı aldatmaq” taktikası ilə daşnak təfəkkürlü ermənilərin yanında xəcalətli qalmaq istəmir. Əslində bunu Moskvaya tərs şillə kimi də qələmə vermək olar. Çünki Ermənistan lideri KTMT-dən çıxmaq fikrindədir. Buna görə də öz hərbi mövcudluğuna xatir digər ölkələrin arsenalına əl açır. Bu hərbi mövcudluq məsələsidir. Ermənistanın dövlət kimi qalıcılığı isə Azərbaycandan asılıdır. İrəvan Bakını bir daha tətik çəkməyə məcbur etsə, Ermənistanın fatihəsi elə Eçmiədzində veriləcək.

Anar Rəhimov, APA TV


✅ Rəsmi saytımız: https://apa.tv
✅ Rəsmi facebook səhifəmiz:   / tvapaxeber  
✅ Rəsmi instagram səhifəmiz:   / apatvresmi  
✅ Rəsmi twitter səhifəmiz:   / apatvofficial  
✅ Rəsmi teleqram səhifəmiz: https://t.me/apa_tv
✅ Rəsmi youtube kanalımız: https://www.youtube.com/APAGROUPOffic...



Copyright © APA TV

Videolarda yazılan rəylərə görə kanal rəhbərliyi məsuliyyət daşımır.

REKLAM TƏKLİFİ ÜÇÜN (Contact) info@apa.tv