ლიდერ ქალთა საზოგადოების XI ღონისძიება - აჭარის ტელევიზია

„ლიდერ ქალთა საზოგადოებამ“ წარმატებით ჩაატარა მე-11 საქველმოქმედო/წარდგენის ღონისძიება, რომელზეც ასობით წარმატებული ქალი შეიკრიბა. წელს შეხვედრა ორმაგი მნიშვნელობის მატარებელი იყო – ერთის მხრივ, ის მიზნად ისახავდა ონკოლოგიური პაციენტების, განსაკუთრებით კი ძუძუს კიბოთი დაავადებული ქალბატონების მხარდაჭერას, ხოლო მეორეს მხრივ, ახალი წევრების წარდგენას ორგანიზაციის რიგებში.

ორგანიზაცია წლების განმავლობაში აერთიანებს წარმატებულ ქალებს, რომლებიც მიზნად ისახავენ საზოგადოებაში პოზიტიური ცვლილებების დამკვიდრებას. „ლიდერ ქალთა საზოგადოების“ მთავარი მისიაა საქართველოში მოღვაწე წარმატებული ქალების წვლილის აღიარება და მათი მიღწევების წარმოჩენა.

ღონისძიება განსაკუთრებული ატმოსფეროთი გამოირჩეოდა – სუფევდა ურთიერთმხარდაჭერის, მოტივაციისა და სიხარულის განწყობა. მონაწილეებს ჰქონდათ შესაძლებლობა გაეფართოებინათ პროფესიული კონტაქტები და დაემყარებინათ ახალი კავშირები. ეს შეხვედრა კიდევ ერთხელ გახდა მაგალითი იმისა, თუ რამდენად მნიშვნელოვანია ერთობა და სოლიდარობა როგორც სოციალური პრობლემების მოგვარებისთვის, ისე პროფესიული ზრდისთვის.