StarTalk一氣呵成版｜炎明熹自認奄尖難頂演出瑕疵 個唱在即調整各方面盼完美

StarTalk一氣呵成版｜炎明熹自認奄尖難頂演出瑕疵 個唱在即調整各方面盼完美

Gigi炎明熹 加入樂壇時間短短，成績就已經非常唔錯，雖然佢嘅行為對答被認為來自火星，不擅辭令之下其實心底間收藏唔少想法，即將迎接首次個人演唱會補場同加場嘅佢，呢日喺《StarTalk》接受 許文軒 專訪，亦將心中宇宙嘅少少諗法同大家分享。

首次個唱就被颱風橫掃贈慶，對其他未足廿歲嘅少女嚟講可能會心煩意亂，當時已經有最壞打算嘅Gigi就反而心情平靜，專注於演出。雖然最後其中演出場次需要改期，不過就反而令佢可以精益求精，將首次登台嘅處女演唱會於補場演出變得更盡善盡美。

自認對自己要求極高嘅Gigi，對自己演唱出現小瑕疵往往非常在意，所以去年嘅表現自己毫不滿意，過去半年佢就一直反覆重溫觀察，亦對整個演唱會鉅細靡遺作出調整。

連同加場將一連演唱3場，Gigi再因為當中嘅跳唱演出加強排練操體能，期望可以為大家帶來更好演出。

脫離中學生行列就會被外界視為大人，Gigi亦都唔一樣，早前Gigi以完全唔同造型現身公開活動，成為唔少人嘅談論話題，而修讀時裝相關科目嘅Gigi，亦對唔同造型都勇於大膽嘗試同挑戰，雖然好惡討論都有，但係早已喺佢預料之中。

再踏舞台之前推出新歌《透光者》，Gigi希望大家由歌曲之中明白做自己同愛自己，無需太介懷外界嘅睇法，亦無需太特立獨行。自言未達完美嘅Gigi，希望往後繼續挑戰唔同類型嘅曲風，亦更望汲取更多唔同養份，令自己更加強大。

#StarTalk #炎明熹 #演唱會 #補場 #瑕疵 #不滿 #完美 #體能 #食飯 #造型 #透光者 #許文軒 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0