TRASLACION 2025 Our Lady of Sorrows of Batong Paloway Happy Islander TV | AjSolero Productions

VIDEO: TRASLACION 2025 | The Venerated Image of Our Lady of Sorrows of Batong Paloway | Mahal na Ina kan Batong Paloway
Follow Happy Islander TV for more stories like this!
---------
November 19, 2025… muli nating nasaksihan ang isang tradisyong nagpapagalaw sa puso ng buong San Andres. Ito ang Trascion ni Mahal na Ina kan Batong Paloway — Our Lady of Sorrows — ang segunda Patron ng bayan.
Isang araw ng pananampalataya, Isang araw ng pag-asa na sinumulan sa pagsama-sama ng mga deboto para sa isang banal na misa sa Batong Paloway Chapel. Isang panimulang panalangin upang ihanda ang ating puso, isipan,sa isang paglalakbay na hindi simpleng tradisyon — kundi pagdalangin na buhay-na-buhay mula noon hanggang ngayon.”
Maraming kwento sa San Andres ang umiikot sa Kaniyang kabutihan — mga himalang natanggap, mga panalangin na natupad, at mga buhay na binago. At higit pa roon, ang mismong imahe Niya ay isang misteryo na walang nakakaipaliwanag hanggang ngayon.
Mula nang matagpuan Siya noong early 1900s… ang imahe raw ay unti-unting lumalaki. At sa paglipas ng panahon, mas nagiging malinaw ang Kaniyang larawan at mas tumitingkad ang kulay sa pagdaan ng mga taon.
Pagkatapos ng misa… inilabas na si Mahal na Ina mula sa kapilya. At sa sandaling iyon — Sa bawat pag-abot ng panyo… sa bawat bulongng mga deboto dito — alam mong ang mga taong naririto, may kani-kaniyang kwentong bitbit. Mga kwentong umaasa sa isang himala, isang kagalingan, o isang bagong simula.”
Mula sa Batong Paloway Chapel, nagsimula ang mahabang prusisyon patungo sa St. Andrew the Apostle Parish Church. Libo-libong paa ang sabay-sabay na naglakad, dala ang iisang panalangin: na patuloy silang gabayan, protektahan, at pagpalain ni Mahal na Ina.”
Isang ilog ng pananampalataya na umaagos. Dito mo mararamdaman na hindi ito tradisyon lang… ito ay buhay na buhay na pananalig ng isang buong bayan.”
Pagdating sa St. Andrew the Apostle Parish Church, sinalubong muli si Mahal na Ina sa isa pang misa. Isang pagtapos na puno ng taos-pusong pasasalamat — para sa ligtas na paglalakbay, para sa mga biyayang natanggap, at para sa panibagong pag-asa ng buong komunidad.”
Ang Traslacion ay hindi lang paglipat ng isang imahen. Ito ay paglipat ng pag-asa. Paglipat ng paniniwala. At pagpapatuloy ng isang kwento ng milagro na higit isang siglo nang kumikilos sa buhay ng mga taga-San Andres.”
“Taun-taon, bumabalik ang mga deboto. Hindi dahil obligasyon… kundi dahil napatunayan nila, naramdaman nila… na may isang Ina na palaging nariyan. Isang Inang hindi nang-iiwan. Isang Inang patuloy na kumakalinga.” Dahil sa bawat pagsubok, may isang Inang hindi nagpapabaya sa Kaniyang bayan.”
Maraming salamat sa pagsama sa akin sa napakagandang tradisyong ito. Ganyan at marami pang kwento ng pananampalataya, kultura, at buhay-isla dito sa Catanduanes. MagFollow na sa Happy Islander TV para sa mga kwentong ganito. Ako si AjSolero, Proud Catandunganon, ay inyong Happy Islander!
#fblifestyle
#Traslacion2025 #mahalnainakanbatongpaloway #ourladyofsorrowsofbatongpaloway #MahalnaIna #happyislandertv #devotee #faithTourism