StarTalk一氣呵成版丨光希盼與香港電影人合作 發揮語言天賦即學即用廣東話

StarTalk一氣呵成版丨光希盼與香港電影人合作 發揮語言天賦即學即用廣東話

被喻為日本電影界新星嘅 光希Kōki ，早前獲「第18屆亞洲電影大獎」頒發亞洲飛躍演員獎。難得再次訪港，主播 王鎮泉 就邀請 Kōki 作客《StarTalk》，大談佢近期嘅拍攝經歷。

早前Kōki參演咗由韓漫改編嘅日本電影《女神降臨》，佢指自己本身就係呢本漫畫嘅fans，所以當佢接受到演出邀請時覺得相當榮幸，不過最初Kōki話知呢本漫畫本身就有好多粉絲，加上呢本漫畫就已經被改編成韓劇，所以起初自己都好大壓力，但由於佢真係好鍾意呢個作品同佢帶出嘅訊息，所以最後決定接受挑戰。

Kōki指自己性格同角色相似，喺面對一啲大計劃，或者未曾試過嘅挑戰時，佢都會感到非常焦慮，呢點就同角色相當似，而當自己焦慮時，Kōki話會以深呼吸嚟穩定自己嘅情緒，因為佢知如果自己越急越焦慮，就越難清楚咁表達到自己嘅意思。

戲中Kōki要化上醜妝示人，對此佢大讚化妝師嘅技術，當佢照鏡時驚嘆呢個妝造嘅逼真，同時呢個妝造亦令佢更易入戲呀。


至於講到另一齣英國電影《Tornado》，佢就指自己首次拍攝劍擊打鬥場面，所以開拍前都專登去咗特訓，問到拍完今次嘅動作戲後有冇上癮？Kōki就話明白到拍動作戲有幾難，同時亦理解到當中嘅美學，佢又指拍完後令佢心智上都有所加強。Kōki又分享拍攝呢套電影嘅唔少難忘事，佢指蘇格蘭嘅天氣變幻莫測，同日會有狂風大雨，又會有晴天，不過最令佢難忘嘅係呢個電影團隊嘅人，大家都相當友善同有愛，大家每日都會互相擁抱。

藝人難免要面對觀眾嘅負評，對此Kōki就話自己會將負評解讀成其中一面啲意見，同時亦會提醒自己負評只係其中一面嘅意見，唔好太放喺心。講到想合作嘅演員同導演，Kōki話心目中嘅名單有好多，由於佢正身處香港出席亞洲電影大獎，所以佢希望可以同香港嘅電影人合作。

最後，泉叔仲教語言天賦超高嘅Kōki，用廣東話同大家打招呼，以及向fans示愛，雖然Kōki話嘅發音相當難，但試講咗幾次後佢就可以流暢咁講到成句！

#StarTalk #一氣呵成版 #木村光希 #光希 #亞洲電影大獎 #亞洲飛躍演員 #女神降臨 #日本 #英國電影 #韓漫 #蘇格蘭 #動作場面 #廣東話 #我愛你哋 #香港 #電影人 #負評
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0