المراجعة الذهبية لشهر أكتوبر | نصف منهج اللغة الانجليزية لتانية ثانوي 2025 | مع مستر إبراهيم فريد

#اللغة_الإنجليزية #الصف_الثاني_الثانوي #إبراهيم_فريد #مراجعة_نصف_المنهج #مراجعة_شهر_أكتوبر

لنهاردة ميعادنا مع مراجعة شهر أكتوبر لتانية ثانوي 2025، وهي مراجعة 2×1 لأنها في نفس الوقت مراجعة على نصف منهج اللغة الإنجليزية من الترم الأول للصف الثاني الثانوي 2025 مع مستر إبراهيم فريد على قناته IFM English Hub واللي هنشرح فيها أول 3 وحدات بالكامل (Unit 1, 2 & 3)، المراجعة هتشمل كل أجزاء أول 3 Units من منهج الانجلش ل2ث بما يتضمن الجرامر بكل تريكاته والكلمات والمصطلحات (Vocabulary & definitions) وهنحل عليهم تريكات النظام الجديد وأقوى التدريبات اللي بتيجي في امتحان الإنجليزي في الترم الأول للصف الثاني الثانوي.

أول جزء في المحاضرة هنتكلم عن جرامر الإلزام في منهج الانجليزي بإستخدام Have to وMust وعشان نعرف نفرق ما بينهم هنعرف استخدامات Must (واللي بتستخدم في المضارع بس) واللي هم: إلزام قانون (Law) وإلزام شخصي (Personal) ونصيحة قوية (Strong advice) وأخيرًا عزومة من القلب (Warm invitation)، والباقي كله Have/Has to + inf، وهنتكلم عن النفي بأشكاله المختلفة وإزاي تصيغه، ,أخيرًا هنتكلم عن الإلزام في الماضي والنفي سواء مكنتش مضطر وعملته بNeedn't أو معملتوش Didn't have to، وهنحل عليهم أسئلة بأفكار مختلفة من الملزمة.

في الجزء الثاني هنتكلم على المقارنة أو الComparison واللي هنتكلم فيها على 4 انواع من صيغ التفضيل وهما الـ Comparative والSuperlative والEquality والDegree اللي هو بتقارن برده بس بتقول درجات الفرق بينهم سواء كانت كبيرة أو صغيرة وبنستخدم تعبيرات زي much وA little، وهنتعلم القواعد بتاعتهم كلهم وامتي نستخدمهم وطريقة صياغتهم أو الـ Form الخاصة بيهم وهنتكلم كمان في قواعد مميزة في منهج اللغة الانجليزية لتانية ثانوي وهنحل من الملزمة أكيد.

ثالث جزء من الجرامر هناخد زمن المستقبل وأشكاله الFuture forms هنتكلم فيه عن 6 طرق من صياغة جمل المستقبل باستخدام زمني المضارع البسيط (Present simple) والمستمر (Present continuous) وGoing to والFuture simple أو زمن المستقبل البسيط واللي هنستخدم فيه Will مع المصدر وهو الاستخدام الأشهر لأزمنة المستقبل والمستقبل التام (Future perfect) وأخيرًا المستقبل المستمر (Future continuous)، وهتتعلم القواعد بتاعتهم وامتى تستخدمهم وطريقة صياغتهم أو الـ Form الخاصة بيهم.
وهنعرف كمان الروابط (Connectors) اللي دايمًا بيرتبطوا بالمستقبل ولما تشوفهم تعرف إن الجملة ديه بيتم صياغتها في المستقبل.

في الجزء الرابع من المحاضرة هنتكلم عن الكلمات اللي كانت موجودة في النصف الأول من منهج الانجلش ل2ث الترم الأول، وقسمنا الكلمات لأجزاء حسب المواضيع اللي كانت موجودة في نصف المنهج الأول واللي هم:
1- First Aid
2- Thanks giving day
3- Immune system
4- Food & respect
5- Changes in agriculture
6- New solutions for our growing world
7- Algae
وهتلاقي في الملزمة أسئلة مختارة من كتاب الWorkbook ومن امتحانات سابقة في إدارات تعليمية مختلفة بتبقى موجودة في الامتحان في النظام الجديد وهم نوعين الأول هو اسئلة بيختبرك في الكلمات، والثاني وهو اختبار في تطبيقك للكلمات والجرامر مع بعض و بيبقبوا تطبيق عملي وكويس جدًا للمذاكرة عشان متبقاش مجرد معلومات متراكمة وخلاص.

بعد كده هنخش في سؤال القطعة (Comprehension passage) وهنراجع على أهم التريكات اللي اتكلمنا فيها قبل كده عشان تعرف تحل سؤال القطعة بسهولة ومن غير تعقيد وأهمهم إنك لازم تقرأ الأسئلة قبل ما تبدأ في القطعة عشان تبقى عارف هو هيسألك في إيه ومتتخضش من شكل القطعة اللي أكيد هيبقى فيها كلمات جديدة أول مرة تشوفها، وهنحل مع بعض قطعة مستواها كويس جدًا عشان نطبق التريكات ديه عملي.

أخيرًا هنتكلم عن سؤال الEssay وهنعرف إزاي نكتب مقال مكون من مقدمة وموضوع (مقسم لBody 1 وBody 2) وخاتمة بخطوات بسيطة وسهلة تضمنلك درجات السؤال وهنحفظ مع بعض مقدمة وخاتمة ينفعوا مع أي موضوع وهيخلوا شكل الEssay بتاعك حلو جدًا، وهنعرف أهم عناصر نجاح الإيساي واللي أهمهم علامات الترقيم والجرامر والSpelling، ومش هيبقى ناقصه غير إنك توظف مهارات الكتابة عندك عشان تكتب جمل تترجم في الآخر لموضوع متكامل ومترابط.

تقدر تحمل ملزمة المحاضرة والتدريبات من هنا:👇🏻
https://drive.google.com/file/d/10KhR...

تقدر تحمل نموذج إجابة ملزمة المحاضرة والتدريبات (Model Answer) من هنا: 👇🏻
https://drive.google.com/file/d/10IwG...
__________________________________________

00:00:00 المقدمة
00:00:37 (Grammar (Unit 1
00:15:41 حل تدريبات على جرامر Unit 1
00:28:55 سؤال ب3 دولارات وقاعدة مهمة
00:37:15 Unit 2 grammar (Comparison)
00:56:15 حل تدريبات على جرامر Unit 2
01:06:00 سؤال بدولار وقاعدة مهمة
01:09:34 Unit 3 grammar (Future forms)
01:21:30 حل تدريبات على جرامر Unit 3
01:33:30 Vocabulary
01:38:29 سؤال القطعة
01:40:28 كتابة الEssay
_____________________________

لينك محاضرات مستر إبراهيم فريد علي منصة Eduact:
https://eduact.me/instructor/ibrahimf...

📞 رقم التواصل للحجز والاستعلام:
01007347077

______________________________

📌 تابع مستر إبراهيم فريد على منصات التواصل الإجتماعي عشان يوصلك كل جديد وتتابع كل الأخبار:

بيدج الفيسبوك:
https://www.facebook.com/ifm.likenoot...

بيدج الإنستجرام:
  / ibrahim_farid78  

جروب التليجرام:
https://t.me/IFMTHIRD2023

اكونت التيك توك:
https://www.tiktok.com/@ibrahimfarid7...

جروب طلاب مستر إبراهيم فريد:
https://www.facebook.com/share/8SjuUD...