К@ті көктен келген Киікті көпірі

Киікті ауылына өлік-тірікке барам деген, Ағыбай батырдың басына тәу етем деген басқа жақтың жолаушыларына ЕСКЕРТУ!
Ауылға жете бере грейдердің өзен үстінен өтетін көпір тұсын су сойып кеткен. Байқамасаңыз аударылып өлесіз. Көпірге жақындай бере ескертетін еш жол белгісі жоқ. “Джентельмены удачи” фильміндегі фразадағыдай “Туда не ходи, суда ходи. А то совсем мертвым станешь”.
Неліктен ауыл әкімі жауапты мекемелерге шығып, жол белгісін қоймаған?
Бұл көпір былтыр ғана мердігер Балауса Қалкен дегеннің қолымен жөндеуден өткен. Сапасыз жасалғандықтан биылғы жәй ғана ағысқа шыдамаған. Ауылдың бір жігіті қосымша үш шеңбер(кольцо) берген. Бірақ, олары соо әкеп берген жерінде жатыр. Қосымша қосып жіберсе мына жағдай болмас па еді? Шеңбердің ауызы мұзбен бітелгенде су иненің көзіндей саңылау тапса болды ғой. Соңы мынандай болды. Әрине, жыл соңына дейін кепіл негізінде қайта жасар. Сапасы қандай болмақ?
Аудан әкімі Мұхит Мұхтаров қарамағындағы ауылдың көпірі қирағанын естімеген бе? Естісе неге тапсырма беріп, орындалуын қадағаламаған?
Неліктен Шеттен Ағадырға шыға берістегі 15-20 км жол шұрық-тесік те ары қарай теп-тегіс?
Неліктен Ағадырдан Киіктіге дейінгі 90 шақырымдық грейдер жолға әлі асфальт төселмеген? Орынтағында бірнеше жыл отырған Мұхит мырза әр жыл сайын 25-30 шақырымнан асфальт төсете беруге құлықсыз болғаны ма, сауаты мен шамасы жетпегені ме?