بكل وضوح وشفافية | ابراهيم فرج

القناة الرسمية للشاعر ابراهيم فرج

———

كلمات القصيدة:

اديني ف الكلام جيتلك
بكل وضوح وشفافية
ومن اول ما بصتلك
لحد اما اتغدر بيا

انا جنبك مشوفتش نور ،
وجع ف الروح وجرح بيور
ومش هنسي اما جيت مكسور
قابلني ضربتك ف الوش
ومش هنسي الكلام اياه
كلام قولتيه ومش حساه
وعيشت معاكي ست سنين
ف كدبة كبيرة غش ف غش
ومش هنسي اني جيت علي حق
وخلصت وقتها ب معلش
ومش مش هنسي ان قلبي انشق
من اللي اتقال علي الواتساب
ومش ناسي وانتي بتقولي
انا استاهل اني اتساب
وانا كداب وانا فيا وانا فيا
وانا اوحش م اللي قبليا
وانا كلاكيع وانا اللي ببيع
وفيا حاجات متتعدش
وطول الوقت وانا خانقك
وماتحبش

انا بحكيلك الحاصل
وبوصف جرح منستهوش
كلام اتقال علي لسانك
باكتر شكل مبحبوش


يا صدمة عمري والله
يا جرحي الكلي والأكبر
يا خبطة ف قلبي من وانا طفل
ومش هنساها لما اكبر
ما بينا سنين كلام وهزار
وبينا عتاب معورني …
ما دي اللي قالتلي هبقي معاك
وكانت جوة عيني ملاك
وهي هي نفس الشخص
بكل سهولة كسرني
مشالش ف قلبه اي جميل
ولا جريي ورا القناديل
عشان خاطر انورها
كانت بتحب اصورها
وكات شبكاني ب سوارها
وكان محاوطني اسوارها
وكانت حلوة ف عنيا
وكنت البير لأسرارها
وكنت استني ست ساعات
عشان جاية
وكنت شايلها ف عنيا
ولينا ذكري ف السينما
وقعدة لطيقه ع الكورنيش
ولينا مكالمة ست ساعات
ف خدمة قضيتها وانا ف الجيش
ف لو كل اللي فات ميغفرليش
ويشفعلي
تغور الدنيا وتغوري
وصدي ساعتها علي زعلي

ومن لحظة هتشوفي الكلام ده
خلاص مفيش تاني
ولا هفتح صور علشان
ف مرة هتبقي وحشاني
هتبكي بعد مني سنين وهتعاني
وبتمنالك الاسوء
في كل الجاي من قلبي
ومتحبيش ولا من حد تتحبي
وتتوجعي الوجع وجعين
وتتخاني ف غمضة عين
ومتلاحقيش عليها منين
وتتسابي خميس واتنين
ومتحسيش امان مع حد
وبعد ما تاخدي علي وشك
تجيلي تعيطيلي بجد
توطي تبوسي رجليا
ونفسك تصعبي عليا
تلاقي قسوة عارفاها
وطول عمرك ريسه فيها
ف لو جوايا جرح ونار
لا يمكن تاني اخبيها
ويومك هم من غيري
يا واكلة الشهد من خيري
يا راس افعي وعين خضرا
واكتر واحده انانية
جميل والله تمثيلك
عشان خلاني بحكيلك
حقيقتك وانتي سامعاها
بكل وضوح وشفافية
ف قابلي علي اللي جاي كله
وحاسبي علي اللي فات كله
ده من اول ما بصيت لك
لحد اما اتغدر بيا
..