قتلت طيوري😭😭وبحاول الحق الباقي من السالمونيلا

اذا استفدت من الفيديو متنساش ❶ supscribe ✔ ❷ Like ✔ ❸Share ✔ 💚💚

قبل ما تقيم المقطع بلايك او غيره اذا استفدت من المقطع اتمنى لايك واذا ما اعجبك المقطع انتقادك مقبول في الكومنت بشكل بناء ولكن بدون اساءه.

هلا بك 🤗 إسمي : عماد وبحب تربية الطيور والحيوانات الأليفه والنباتات بشكل عام ومش صاحب محل لتجارة الحيوانات والطيور. شكرا لوجودك في قناتي وأتمني المحتوي يعجبك واقدر اقدملك معلومات جديده ومفيده 🤔او قديمه ومفيده 😅المحتوي العربي في هوايتنا فقير ومعظم المعلومات المنتشره مش صحيحه. ياريت لو عجبك الڤديو متنساش الإشتراك ف القناه وتفعيل الجرس ، ونقدر نتواصل عن طريق رسايل مواقع التواصل زي الفيس بوك او الواتساب

دا 👇🏼رابط صفحة face book
https://www.facebook.com/profile.php?...
ودا 👇🏼 رقم الواتساب
01023133539
كنت مسافر وبغير اكل الطيور، المهم كان عضم السيبيا خلصان من عندي وياريتني ما شغلت دماغي كان عندي اقفاص قديمه مركونه وكان مركون فيها عضم قديم زي دا ،،،،، المفروض بننضفها ونطهرها قبل التقديم ودا اللي بنعمله علطول سواء السيبيا جديده او قديمه سواء نضيفه او لا بس قدر الله وماشاء فعل، بسبب استهتاري خسرت اتنين من أجمل الطيور عندي واتنين باين عليهم اعراض السالمونيلا

تعريف السالمونيلا :
السالمونيلا هو أحد أمراض الجهاز الهضمي الأكثر انتشارا بين الطيور سواء كانت طيور داجنة أو طيور الزينة و حتى الطيور البرية بتصاب بيه بكثره .
السالمونيلا سميت بهذا الإسم تشريفا لطبيب بيطري أمريكي إسمه ( Daniel Elmer Salmon دنيال سالمون ) مع أن مكتشفها الحقيقي هو ( Theoblad Smith سيوبلاد سمث)  كان طبيب بيطري شغال مع دكتور Salmon في شركة ( Bureau of Animal Industry) سنة 1884 .

تعتبر السالمونيلا من الأمراض التي المعدية للانسان.

2-مسبب المرض
هو بكتيريا هوائية معدية سالبة الغرام ،  ( بتعيش بوجود الأوكسجين بس 😂 ) لكن يمكن أن تصبح لا هوائية إختياريا .
يبلغ طولها 2 الى 5 نانومتر و قطرها 0.7 الى 1.5 نانومتر .
و ب تظهر تحت المجهر الإلكتروني بالشكل دا

السالمونيلا من اقوي واخطر واسوأ الامراض التي بتصيب الطيور ... والإهمال ف علاجها بتسسب كوارث وممكن تفقد كل طيورك ...واول حاجه لازم تعملها انك تعزل الطيور المصابه بمجرد الشك او ملاحظه لو عرض واحد متنتظرش كل الاعراض تظهر وحاول تعزل علطول بدل ما تصيب باقي الطيور ... لازم يكون عندك قفص للعزل لان المرض سريع الانتشار وف نفس الوقت مضاعفاته قوية جدا وسريعه .. ممكن تخسر طيورك ف ايام،،،،،، المهم وبمجرد عزل الطير المصاب تعال نشوف هنتعامل ازاي لازم نركز علشان نوصل لاهم نتيجه عاوزين نوصلها وهي بالتأكيد ..."ان الطير المريض ميموتش"

الأول وف بداية المرض ممكن تلاحظ الطير خاااامل ومش بياكل او بياكل اكل ضعيف، وهتلاحظ اسهال أخضر لزج ودي اهم علامه .

وعلشان نبدأ ف العلاج ..... وبعد ما فهمنا كويس اهم الاعراض سبب قوة السالمونيلا وصعوبة علاجها هو الاعراض الكثيرة المصاحبة للمرض ..

واول خطوه ف العلاج لازم نوقف اقوي سبب لوفاة الطيور بالسالمونيلا وهووووو " الاسهال "
--------------------------
لان مع وجود الاسهال مبيفضلش ف  جسم الطير حاجه تعينه سواء من غذاء او من دواء ..علشان كدا لازم الأول نحاول نوقف العرض دا الأول تقدر تستخدم كابيكت شرب للاطفال 2.5سم kapect في المشربية ال ١٠٠مل.... انا عن نفسي  بستخدم مية الارز نشأ الرز يعني بتغلي معلقة رز ف كوباية ميه وتصفيه وتحطه ف المسقه بدل الميه . غير انه بيمنع الاسهال فهو فيه نشأ وكاربهايدرات تسند الطير ف الفتره دي وخصوصا الطير بيكون معتمد ع الميه بس وشبه مبياكلش
هنقدم نشا الرز يوم او يومين فقط علشان ندخل ف علاج المرض المعوي

علاج السالمونيلا لازم يكون بمضاد حيوي قوي ... وطبعا فيه مضادات حيويه كتير تقدر تعالج السالمونيلا هنقول منها الأساس اللي كتير من الهواه الكبار بيستخدموه وهو تترا سيكلين بس علشان مش متوفر عندي حاليا ف انا هستخدم الفيبراميسين ودا الماده الفعاله فيه هي بردو التتراسيكلين ماده سهلة الامتصاص ولها فاعلية كبيرة ف علاج الطفيليات بجميع انواعها والبكتريا سالبة الجرام اللي منها السالمونيلا  ..