Salgioni chinko nikoba manderang bebera•ja😱

Indiba somoirangni ta•rake chu•sokenggipa chinrangchi mikrakatanirangko sawa poraia? Maidake a•gilsakrangni gimin gisiko chanchia? Maidakgipa dingtanganiko uamangni chanchianio nikna man•a? Noani salrango ong•gipa manderangni chanchianina bate batja. A•gilsakni kamrango aro kusi ong•anirango chu•gimik gisiko nangataniko man•e, manderang "chi dubibae manangjaskal, uamang uitokjachim." Mati 24:39. Uamang salgioni mikrakataniko man•aha, indiba uamang knana jechakaha. Da•alo a•gilsak, Isolni ku•rangchi mikrakataniko chu•gimikan jegale, jringjrotna gimaaniona taraken re•angengaha.
A•gilsak dakgrikani gisik baksa brinako man•aha. Daniel odhai chi•sao katchinike aganani ru•utgijan chu•soknasiengaha. Katchinike seanirango agansogimin obostarang ru•utgijan ong•nasiengaha.
"Nibo Jihova aako bangbang ongata, aro uko gimaata, aro uko pangpilata, aro uno songdonggiparangko bilding bilding ongata. . . . Maina uamang niamrangko manigija dakaha, jringjrotni songgigrikaniko peaha. Uni gimin sao nangara aako chaminokaha, aro mande banggijasa dongrikaha .... Knal chongiparangni katchaani tipa, kasrokgiparangni jikjakara bonchanga, knalni katchaara tipa." Isaia 24:1-8.MKp 50.5
"Aiao ua salna! Maina Jihovani sal sepangaha, aro Bilaksranggipaoni nisiatani gita ua rebaa. . ." Joel 1:15.
"Anga aako niaha; aro, nibo, ua porongrong aro bangbang; aro salgirangko niaha, aro senga gri! Anga abrirangko niaha, aro nibo uarang moa, aro pilak achurang modekdeka. Anga niaha, aro nibo, mande dongjaha, aro salgirangni kokkimao donggipa pilak doorang katangaha. Anga niaha, aro nibo Jihovani mikkango, uni kaonangbeani mikkango, bite nanggipa aa bakra ongaha, aro uni pilak songjinmarangko ruaha." Jeremia 4:23-26.
"Himangai! Maina ua sal dalgipa onga; ua gita dongja; maina ua Jakobni duk ongani sal onga; indiba unoni jokatako mangen." Jeremia 30:7.