#شيلة_تـواريـخ_نـجـد

أشترك وفعل التنبيهات في القناة ليصلك كل جديد
=-=-=-=-=-=-=-=-=-=-=-=-=-=-=-
شيلة تواريخ نجد✔

كلمات الشاعر ✒
بدر الخنوص الشمري

أداء المنشد 🎤
طلال العارف

تصميم 🎬
سعران الخندلي
=-=-=-=-=-=-=-=-=-=-=-=-=-=-=-=
لا اله الا الله هو الواحد المعبود
كفيل الخلايق لابدينا نسميبه

انا شاعراً لاجيت ابي اكتب رقيت سنود
وقصيدي مطانيخ القبيله تغنيبه

ونبي نرسل لماجد قصيده من اقصى حدود
جزيرة هلي شمر نماري ونضاهيبه

سلامي على ماجد وماجد وريث فهود
راع الحفل من شمر على العز والطيبه

وفي الخصايل وارث المرجله والجود
عشير النشاما كل نشمي يحييبه

اعفاف الشمايل مالحقنا بهم منقود
بن مقيم لاقلنا الجمايل عذاريبه

من رجال شمر هامة العز واهل الزود
عليهم قصايدنا تنوخ مراكيبه

وماجد سنام الجود شامخ عريب جدود
حفيد الشجاع الي عذيه مشاريبه

وشمر هل الرده ذرى الصاحب المضهود
تعتز الرفيق وكل طيب تهليبه

اهل حايل الاجواد لاحك عود بعود
ذرى من غدت بقعا تحده لواهيبه

تواريخ نجد لأسمنا تاقف بعامود
ولا يلحقه في لابتي شكن وريبه

ولا نجهل الجربان تاريخهم موجود
مشايخ وقادات القبيله نماريبه

وهلي عبده الي منه عبيد وايض سعود
سلاطين نجد ونجد تشهد مضاريبه

اكبود الزمل عبده نهار الوقوف حشود
ضياغم على روس النوايف قنب ذيبه

وسنجاره الكبرى لها فعلها المشهود
تواريخ ماتحصى طويله مراقيبه

ليا قلت زوبع زوبع تقدم المجهود
طنايا نهار الكون تفتل اشانيبه

والاسلم هل الحيسا هل السيف والبارود
حراراً خلقها الله تدسم مخاليبه

جوار ورحم وامجاد يوم اليال السود
وفعايل هل الحيسا كل الخلق تدريبه

سناعيس لامنا غزينا نجيب الفود
سناعيس والامجاد والعز والهيبه

سناعيس لامنا عتزينا نرد الذود
تواريخنا تشهد وتشهد مكاتيبه
=-=-=-=-=-=-=-=-=-=-=-=-=-=-=-=