HUTBE: RRIZKU ËSHTË NGA ALLAHU

Një nga shqetësimet më të mëdha të njeriut është rrizku (furnizimi): buka, pasuria, puna, shëndeti dhe siguria. Islami na mëson se rrizku nuk vjen rastësisht, as vetëm nga përpjekja jonë, por drejtpërdrejt nga Allahu i Madhëruar.
O besimtarë!
Kini frikë Allahun ashtu siç duhet, sepse takvaja është çelësi i çdo të mire, e ndër to edhe i rrizkut.
Allahu i Madhëruar thotë:
وَمَا مِنْ دَابَّةٍ فِي الْأَرْضِ إِلَّا عَلَى اللَّهِ رِزْقُهَا
“Nuk ka asnjë gjallesë në tokë që Allahu të mos ia ketë garantuar rrizkun.”
(Hud, 6)
Dijeni se rrizku nuk vjen nga njerëzit, as nga puna jonë e vetme, por nga Allahu. Ai ia zgjeron rrizkun kujt të dojë dhe ia pakëson kujt të dojë:
اللَّهُ يَبْسُطُ الرِّزْقَ لِمَنْ يَشَاءُ وَيَقْدِرُ
“Allahu ia zgjeron rrizkun kujt të dojë dhe ia pakëson kujt të dojë.”
(Er-Ra’d, 26)
Prandaj, o robër të Allahut, mos e kërkoni rrizkun me haram, sepse harami e zhduk bereqetin, ndërsa hallalli e shton atë.
O besimtarë!
Allahu na ka treguar se takvaja dhe mbështetja tek Ai janë shkak për rrizk të bollshëm dhe të papritur:
وَمَنْ يَتَّقِ اللَّهَ يَجْعَلْ لَهُ مَخْرَجًا ۝ وَيَرْزُقْهُ مِنْ حَيْثُ لَا يَحْتَسِبُ
“Kush i frikësohet Allahut, Ai i hap atij rrugëdalje dhe e furnizon nga aty ku nuk e pret.”
(Et-Talak, 2–3)
Pejgamberi ﷺ ka thënë:
لَوْ أَنَّكُمْ تَتَوَكَّلُونَ عَلَى اللَّهِ حَقَّ تَوَكُّلِهِ، لَرَزَقَكُمْ كَمَا يَرْزُقُ الطَّيْرَ
“Sikur ju të mbështeteshit tek Allahu me mbështetje të vërtetë, Ai do t’ju furnizonte ashtu siç furnizon zogjtë.”
(Tirmidhi)
إِنَّ رُوحَ الْقُدُسِ نَفَثَ فِي رُوعِي أَنَّ نَفْسًا لَنْ تَمُوتَ حَتَّى تَسْتَكْمِلَ رِزْقَهَا
Shqip:
“Xhibrili më frymëzoi se asnjë shpirt nuk do të vdesë pa e plotësuar rrizkun e tij.”
(Ibën Maxhe)
Mos harroni, o besimtarë, istigfarin dhe sadakanë, sepse ato janë çelësa të bereqetit:
مَا نَقَصَتْ صَدَقَةٌ مِنْ مَالٍ
“Sadakaja nuk e pakëson pasurinë.”
(Muslim)

O Allah!
Na furnizo me rrezk hallall, na jep bereqet në atë që na ke dhënë, na ruaj nga harami dhe na bëj prej falënderuesve.


Allahu ju bekoftë

Me respekt Ardit Hoxhllaku
facebook.com/ardit.hoxhllaku
   / @ardithoxhllaku