港人惠灣置業2024｜大灣區交通對比｜大亞灣往返香港嘅多元化交通｜帶你了解唔同嘅交通模式｜等你可以選擇最適合自己嘅1種交通方式｜最快時間45分鐘搞掂｜高鐵｜地鐵｜巴士｜自駕｜遊輪

香港周邊城市交通對比，大亞灣往返詳細嘅5種交通模式。
成日有香港嘅朋友问，香港同大亚湾之间嘅交通系咪真系咁方便
我哋先由大家比较熟嘅几个城市了解对比吓，首先喺位置上嚟讲，除咗深圳之外，惠州、珠海、中山系隔香港最近，而且楼价较低嘅城市，珠海、中山目前除咗自驾、直达巴士同客轮之外，已经冇其他直达嘅交通方式，高铁线一定要喺深圳北站换乘，而且每日最多时会有6:25时、10:00时、14:34时走嘅三班车次，有时仲取消咗14:34时呢个车次，再嚟睇下惠州嘅情况，除咗自驾、直达巴士之外，高铁线西九龙站直达惠州嘅车次每日有十个车次，由深圳北站转乘嘅每日高达80个车次。
咁你话，香港同惠州之间嘅交通係咪比较方便呢？而成惠州嚟讲，往返香港最方便，交通方式又多元化嘅，得翻惠阳南部与及大亚湾区西部。
今日我就详细介绍一下，香港到大亚湾同惠阳所有交通方式
第一个系高铁线，呢个都系目前香港过嚟，最快捷嘅交通方式嘞。
喺香港西九龙站出发，一直北上，过福田同深圳北之后再往东，经过坪山出深圳之后嘅第一站就系惠阳站，而家系每日有6个直达车次，由朝早七点几到下昼六点几都有，全程最多系75分钟，二等座嘅票价只需要100蚊，同样惠阳站直达西九龙站每日都系6个车次。
如果呢几个车次时间冇赶上，重有一种方法，就系喺深圳北站转车，每日喺西九龙到深圳北站有63个车次，平均15分钟就有一班车，跟住由深圳北到惠阳站，都系由朝早7点到晚上10点有80个车次左右。噉嘅话，从西九龙出发，喺深圳北唔使出站，再转一趟车，个半钟多啲就可以到惠阳，都系比较方便嘅
咁到咗惠阳站之后，再到大亚湾就好方便，到大亚湾最旺嘅万达广场，就只有五公里左右嘅路程，有公交巴士就可以到达，搭的士都只需十几蚊。如果系到惠阳站附近嘅星河丹提、南站新城呢啲楼盘，就只系仅有两公里嘅路程
第二种交通方式，全程地铁
唔理你喺香港任何一个地方出发，坐地铁到深港交界嘅落马洲站，然后喺福田口岸过关，乘坐深圳地铁嘅10号线，三站之后再换乘14号线，呢条线系一条快线来嘅，最高时速可以去到120公里，50分钟到总站沙田站。
沙田站其实就喺深圳同大亚湾交界处，喺度有好多路公交车前往大亚湾嘅西区，与及惠阳嘅白云新区，附近嘅新楼盘有万科万悦、大华悦庭。
如果你系喺罗湖口岸附近，咁可以选择通关之后乘坐深圳地铁1号线，两个站到老街站换乘3号线，6个站到布吉站换乘14号线到总站沙田站。
第三种交通方式，口岸坐巴士
你可以喺香港乘坐地铁，换乘到东铁线，然后乘坐到总站罗湖站，喺罗湖口岸过关，就可以行到罗湖汽车站，喺呢度有往返大亚湾嘅大型巴士，由朝早七点半到晚七点都有车，平均40分钟一班，票价仅需45蚊
大亚湾汽车站系喺大亚湾嘅澳头，呢度系最近海边嘅，最出名嘅就系海鲜街，价钱平，周边生活配套都比较成熟，系早期好多香港人养老选择较多嘅片区，而且如果你到咗大亚湾汽车站，呢度都有好多路公交车，可以去大亚湾同惠阳嘅其它地方
另外，因为而家深圳同大亚湾两地通勤嘅人已经比较多，除咗传统嘅呢种巴士之外，而家都有一啲私营嘅共享巴士线路，喺微信上就可以随时订票，票价都比较低。呢种线路停站点比较多，比如话呢个启岸巴士，喺罗湖地王大厦、黄贝岭、莲塘口岸等地方都有设站，你喺深圳边个位置方便就喺边上车。到咗大亚湾以后，站点都好多，基本上覆盖咗大亚湾最主要嘅生活区，都系好方便嘅
第四种交通方式，自驾
因为深圳系一个横向较长嘅地形，而大亚湾又啱好喺深圳嘅最东面，所以深圳东西向嘅快速路都系可以去到大亚湾嘅，比如外环高速、沈海高速、南坪快线、沿海通道等等。
而如果喺香港出发嘅话，自己揸车进入深圳，无论你系喺深圳湾口岸、福田口岸，定系罗湖口岸、莲塘口岸，都可以快速到达深圳最南边嘅快速通道：沿海通道，然后一路向东就可以赶到大亚湾，因为呢条路深圳段系全程免费嘅，所以全程嘅通行费只要6蚊
啱啱所讲嘅几个口岸都要你嘅车有两地牌，如果冇两地牌嘅话，唯有申请港车北上，经过粤港澳大桥进入内地，噉就到最西面，距离东面嘅大亚湾就比较远。不过我哋相信随着香港同内地来往越嚟越密切，未来港车北上，肯定会有越嚟越多嘅通关口岸，会越嚟越方便嘅
第五种交通方式，轮船
从地图上睇，大亚湾同香港同处南海之滨，中间只隔咗半个深圳，而海上嘅距离更加近，如果有海上嘅客轮往返，噉应该方便好多
其实喺90年代，就有喺大亚湾澳头到香港东涌嘅海上航线，全程得40几公里，但后来因为各种原因取消咗。
近些年大亚湾都一直喺度争取重新开通呢个航线，而家起紧嘅滨海公园呢一带，都有一个规划中嘅客运码头，呢条航线将有望喺今年年尾或者明年上半年开通，点解咁讲，根据内部消息，有关部门已经将两艘客轮买咗返嚟，分别为兴中号、翠亨湖号，停喺大亚湾澳头港码头，宜家正进一步申办开通惠州赴港对开通行证线路许可证、项目具体营运管理事项安排等，开通后将会促进粤港互通互联多元化合作，满足旅客海上观光需求，促进海运进一步建设发展。
总体嚟讲，大亚湾有紧邻深圳嘅优势，同香港之间仅隔咗半个深圳，而且交通方式多元化，可以坐高铁，坐地铁，亦可以坐大型巴士，自己揸车，未来仲有客轮，喺成个大湾区嚟讲，同香港之间嘅交通便利程度，仅次于深圳，呢啲都系点解近年来有咁多港人到呢度买楼嘅原因之一
好啦！嚟到呢度相信大家都已经係清楚晒，喺香港到达大亚湾嘅5种唔同嘅交通方式。你系喺香港边度出发呢？到大亚湾点样方便？都可以喺评论区或者私信我倾下嘅。我系阿BEN，如果你有任何关於内地买楼嘅问题，都可以联系我，逐一同你解答。