8/9 ឯកឧត្តមសាស្រ្តាចារ្យបណ្ឌិតដាំឆ័ត្រ្តរីយ៍ 11 01 2025

អាមេរិកនឹងជួយថៃគូសផែនទី កំណត់ភូមិសាស្ត្ររុករកកំណប់រ៉ែកម្រ
សហរដ្ឋអាមេរិកនឹងជួយរដ្ឋាភិបាលថៃគូសវាសផែនទីកំណត់និងវាយតម្លៃទីតាំងភូមិសាស្ត្រ ដែលមានកំណប់រ៉ែកម្រនៅទូទាំងប្រទេសថៃ នេះបើយោងទៅតាមស្ថានទូតសហរដ្ឋអាមេរិកប្រចាំទីក្រុងបាំងកកប្រកាសឲ្យដឹងនៅថ្ងៃទី 30 ខែតុលាឆ្នាំ 2025 ។ ស្ថានទូតនេះថានេះគឺជាកិច្ចសហប្រតិបត្តិការថ្មី ដែលស្ថិតក្រោមអនុសណៈនៃការយោគយល់គ្នា ដែលលោកប្រធានាធិបតីអាមេរិកដូណាល់ត្រាំ និងលោកនាយករដ្ឋមន្ត្រីថៃអនុទីន ឆានវីរគុល បានចុះហត្ថលេខាកាលពីថ្ងៃទី 26 ខែតុលាឆ្នាំ 2025 នៅប្រទេសម៉ាឡេស៊ី។ យោងតាមស្ថានទូតអាមេរិក អនុសណៈនៃការយោគយល់គ្នានេះនឹងអនុញ្ញាតឲ្យប្រទេសទាំងពីរផ្លាស់ប្ដូរទិន្នន័យ ភូគព្ភសាស្ត្រ បច្ចេកទេស ដែលត្រូវបានអនុវត្តជាសកល ដើម្បីវិភាគវិសាលភាពនៃមូលដ្ឋានធនធានកម្រនៅប្រទេសថៃ។ រ៉ែទាំងនេះមានច្រើនក្រៃលែងនៅក្នុងសំបកផែនដី ក៏ប៉ុន្តែ ប៉ុន្តែវាពិបាករក ពិបាកជីក ហើយក៏ពិបាកបំបែកចេញពីសារធាតុរ៉ែផ្សេងទៀតដែរ។ រ៉ែកម្រទាំងនេះសំខាន់ណាស់សម្រាប់ការផលិតយានយន្តអគ្គិសនី, ទូរស័ព្ទដៃ, Semi-Conductor , យន្តហោះចំបាំង និងថាមពលបាយតង។ អ្នកជំនាញអាមេរិកត្រូវបានគេរំពឹងថានឹងជួយ ភូគមវិទូថៃ ជាមួយនឹងបច្ចេកវិទ្យាគូផែនទីទំនើប និងឧបករណ៍វិភាគដើម្បីបង្កើនសមត្ថភាពនិងភាពប្រកួតប្រជែងរបស់ថៃ នៅក្នុងទីផ្សារ៉ែដែលមានសារៈសំខាន់ជាសកល។ ក៏ប៉ុន្តែស្ថានទូតអាមេរិកប្រចាំទីក្រុងបាងកកអះអាងថា កិច្ចសហប្រតិបត្តិការនេះ មិនរួមបញ្ចូលសកម្មភាពរុករករ៉ែរួមគ្នាឡើយ។ លោកអនុទីន និយាយថាកិច្ចសហការនេះបើក ឱកាសឲ្យប្រទេសថៃលក់រ៉ែដែលបានរកឃើញទៅឲ្យសហរដ្ឋអាមេរិក។ លើសពីនេះវាក៏អាចទាក់ទាញការវិនិយោគដែលមានតម្លៃខ្ពស់ និងការផ្ទេរបច្ចេកវិទ្យាពីក្រុមហ៊ុនអាមេរិកផងដែរ៕