Kalam-e-Shamas Faqeer (RA) | Aakho Mass Chath Nish'e Kale'walas | Abdul Rashid Hafiz | Sufism
Автор: Junaid Amin (JENIN)
Загружено: 2025-10-08
Просмотров: 6191
آکھو مَس چتھ نِشہِ کلہٕ والَس
خبرے روز خبردار
خوٗن زال ژانگين لولہٕ گاشہِ پَکھتو
حالہِ دِل سپدی عیان
علمےٕ پرتو علم یاد کرتو
کُلَس دِیو اقرار
غأفِل پانو دَم زان غنیٖمت
کتیٛک چُھکھ وطندار
اَکہِ کَتھِ منصوٗر کُھوت پیٹھ دارس
مَرنُے چُھ بے مِثال
عشقُن تیٖر آم سیٖنہٕ پرٛأٹِتھ درٛام
زانی صاحبہِ حال
اندر ژایوس حیسِکس وِسارس
وَسہِ چُھم رو سرکار
دپیوم سوندرَن توہہِ ما ڑیوٗنٹھون
خوٗب رویہِ سُند خدوخال
دپیوم سوندرَو اَسہِ ڑیوٗنٹھ کالس
دَمَس چُھے نَمسکار
عشقٕنِس گُرِس زیٖن گژھہِ کرنُے
سُم ییِی لَیہِ یکبار
شیٹھ تریہ ہَتھ مِلتھ ییلہِ میے ہأوِنم
شِوَن کُرُس بیدار
رفتار گفتار سٕت چُھمہ ژوٗر یار
دَرَم کُرمَس نِثار
کُنےتَتہِ وُچُھم سٕت چُھم رہبر
ہُو چُھم کرِٴتھ مِلہٕ ژار
یہے خَبر وٴن شمس فقیٖرن
خوفتے اوس بیدار
راجِہ رینہ گتہٕ رینہِ زانہٕ رینہِ مانہٕ رینہِ
پَتھ کالہِ أس اوتار
کلامِ - شمس فقير (رح)
گلوکار - عبدل رشید حافظ
Доступные форматы для скачивания:
Скачать видео mp4
-
Информация по загрузке:
